Анаабыр Алмаастара Намҥа

13 мая, 2015 в 2:00

Саха Республикатын Судаарыстыбаннай Мунньаҕын (Ил Түмэн) депутата А.Р.Винокурова улуу Кыайыы 70 сылынан сэрии, тыыл бэтэрээннэригэр Намҥа бэйэтин быыбардааччыларыгар ыалдьыттаата.

Кини бэтэрээннэргэ уһун дьоллоох олоҕу, кинилэр кэнчээри ыччаттарыгар ситиһии эрэ сэтиилэнэллэригэр, кыайыы-хотуу эрэ кынаттаналларыгар, үгүс үөрүүнү-көтүүнү, дьолу-соргуну баҕарда уонна Анаабыр Алмаастара генеральнай директора Матвей Николаевич Евсеев аатыттан бырааһынньыктааҕы бэлэҕи туттартаата.

IMG-20150509-WA0007

Анаабыр Алмаастара генеральнай директора М.Н.Евсеев бырааһынньыктааҕы бэлэҕин 82 саастаах Мария Васильевна Соловьева, 93 саастаах Савва Потапович Иванов, 96 саастаах Татьяна Митрофановна Федорова туттулар. Саха Республикатын Судаарыстыбаннай Мунньаҕа (Ил Түмэн) депутата Алина Романовна Винокурованы кини көмөлөһөөччүтэ Мария Владимировна Соловьева, Эҥсиэли такси генеральнай директора Алексей Петрович Кутуков уонна Эҥсиэли такси толорооччу директора Роман Петрович Кутуков арыаллаатылар уонна бэйэлэрин бырааһынньыктааҕы бэлэхтэрин ытык кырдьаҕастарга туттардылар.

IMG-20150509-WA0041

Хардатын сэрии тыыл бэтэрээннэрэ Алмазы Анабара генеральнай директора Матвей Николаевич Евсеевкэ, бэйэлэрин депутаттарыгар А.Р.Винокуроваҕа, Эҥсиэли такси салайааччыларыгар А.П.Кутуковка уонна Р.А.Кутуковка ис сүрэхтэринэн истиҥник махтаннылар. Үлэлэригэр үгүс ситиһиилэри, кыайыыны, дьолу-соргуну баҕардылар.

Мария Соловьева.

13 мая, 2015 Без рубрики Главные новости

Добавить комментарий

*