Аныгы Манчаары уонна тойон сакааһын толорор суут

8 декабря, 2014 в 2:15
4-2.Аныгы Манчаары

Автор: Хара Бааска уола Лэгэнтэй:
Дьоһуннар, үүммүт үтүө күн үгүс үчүгэйи аҕаллын.
Саха омук көҥүлүн көмүскээн норуокка кыһаммат уоруйах тойоттору сирэйдэрин саралыыр аныгы үйэ Манчаарытын дьыалата туох түмүккэ кэллэ, дьоһун дьон, сырдатыҥ эрэ. Махсыымапка ситиһиилэри.

Сууттуу сылдьаллар Үрдүкү суукка. Урут Махсыымабы алта сылга хаайбыт судьуйалар. Собус-соруйан хайаан да хаайыҥ диэбит курдук. Махсыымап туох да буруйа суох. Уорбатах, албыннаабатах. Холуобунай дьыала сыта да суох. Ылсыы-бэрсии дьыалата гражданскай дьыала буолуохтааҕа. Онно даҕаны кини тэрилтэни ханнык да хоромньуга киллэрбэтэх. Дьөрү ол айдааннаах векселлэрин көрбөтөх даҕаны. Буруйа диэн Штыров, Борисов сорудахтарын толорботох быһыылаах.

Хара Бааска уола Лэгэнтэй: Сөпкө этэҕин, аныгы Манчаары Сахатын сирин баайын көмүскэһэн буруйдаах буолла. Сууттанара сөп эбит. Тойотторбутун утары барбыт. Уоран байарга санаммыт тойотторбутун кытта сөбүлэспэтэх буруйдаах эбит. Дьэ, чахчы чаҕылхай уол эбит. Соҕотоҕун норуотун баайын харыһыйан хаайыыга киирдэҕэ. Үчүгэй адбакааттаммыт буоллаҕына, босхолонор ини. БЕА уйатыгар уу киирэр буолбут быһыылаах. Хоро сиэбиттэрэ дакаастанара буоллар.

Фы: Мин аныгыскы Манчаары оонньууларын ыйыталлар дуу санаатым. Онтум отой да баай Махсыымап туһунан эбит дии. Баай Чоочо хайдах Манчаары буолан хаалбытын дьиктиргии эрэ саныыбын.
Хара Бааска уола Лэгэнтэй: Аныгы Манчаары баай да
Буоллар, норуот баайыгар кыһаллар буоллаҕа дии. Ити омуктарга атыыламмыт баайбыт төнүннэҕинэ, кыра-хара дьон туһанар инибит.

Моргунов: Оо, дьэ, ол Махсыымап тахсан төнүннэрэрин кэтэһэн олоробут дуо? Бириэмэ баран иһэр, ол аайы уоруйахтар суоллара тибиллэн иһэр, түргэтэтиэх баара процеһы, кум-хам тутан.
Үчүгэйи күүтүмэҥ: Суукка сырыттым. Суут саҕалана да илик. Захарова председатель барыбытын сыҥаахпыт түһүөр диэри соһутта: Максимов этинээри гыммытын саба сарылаан кэбиһэн баран, «жалобаҕын кассационнай инстанцияҕа» суруй ээ диэн саайда. Бэркиһээн, хара сыстыбыт, ол аата бу судьуйа уже решениетын ылыммыт, суут буола да илигинэ. Кини ылыныа дуо? Кинитээҕэр үрдүкүлэр уже суруйан бэлэмнээн олороллорун кыыһыран сарылаабыт омунугар алҕас таһааран кэбистэ. Дьаабы да дьаабы, кырдьык сууттарбыт сытыйаахтаабыттар. Афанасий эмиэ бэркиһээн, сөҕөн баран: бу циркэттэн меня избавьте, отправьте обратно домой в СИЗО, так как суда еще не было, а вы уже приняли решение о кассации диэтэ. Бу өссө төгүл дакаастыыр, дьыала чахчы 100% политическай сакаас буоларын.

Хара Бааска уола Лэгэнтэй: Оттон били аатырар адбакааттарбыт тугу да саҥарбатылар дуо? Ол аата сууппут эмиэ көһөрүлүннэ дуу, тугуй дуу?

Мина: Вопиющий случай в судебной практике России, когда ещё до начала разбирательств судья, председательствующая Захарова озвучивает» заранее решённое решение Верховного суда Алмазной республики», говоря о кассации. НОНСЕНС.
А как же слова Путина на 8 съезде судей в 2012 году в Москве: «Непроффесионализм, ПРЕДВЗЯТОСТЬ и нарушение этических норм — это не только личный позор судьи, но и подрыв доверия граждан к суду…».
Кыччаҕар: Максимовы хаһан эрэ Ил Түмэҥҥэ, дойдутун дьонун-сэргэтин дурдалыа-хаххалыа диэн куоластаабыппыт баара, саатар бэйэтин да көмүскээбэт киһиэхэ куоластаабыппын. Аны туран, киһибит баайдар партиялартан куорат дьокутаата буолан баран, Манчаарыбын дэммит дии, хайдах эрэ иэччэҕэ суох.

Микиитэ: Дьэ, дьаабы, итинник сойуолаһа-эккирэтиһэ сырыттахтарына, өссө дьокутааскай үлэтин сураһаллар.
Аныгы Манчаары суута буола турар: Буруйа суох киьиэхэ буруй тиксэрэ сатыыллар. Хаайар баҕатыгар балачча докумены хаспыттар, олус халыҥ дьыала ырытыллыбыт. Итиччэ элбэх кумааҕыга, аата сүрүн, биир сыыһа докумуон көстүбэтэҕин диэххэ айылаах.
Кытаанах сорудах судьуйаларга, суут үлэһиттэригэр турбут быһыылаах. Кинилэр да кыһалла сатаабыттар да, кыайбакка сылдьаллар эбит. Итиччэ элбэҕи хаһан син тириттэхтэрэ.

Махсыымап: Ити аата Махсыымап олох да ып-ыраас киһи эбит. Чахчы улахан киһи эбит. Сууттар ити үлүгэр соһо сылдьан сордууллар. Хата партията саамай үрдүк рейтиннээх. Урут Саха сиригэр итинник рейтиннээх партия үөскүү илик эбит. Аны суут иннинэ биир нэдиэлэ 2000 кэриҥэ Махсыымабы өйүүр подпись, куолас хомуйбуттар.
Ол аата бу суутунан Саха сирин үс гыммыт биирин көмөн кэбиһэр санааламмыттар. Бу чахчы аһара барыы буолбатах дуо?
Максимов дьыалата 87 том буолбут. Көлүөһэлээх икки аарыма улахан тимир продуктовай корзинаҕа соһо сылдьаллар. Бүтүн система барыта заказтаан сойуолаһа сылдьар киһититтэн депутатскай үлэ көрдүүгүн дуо? Босхо, көҥүлгэ да сылдьар депутаттарыҥ үлэлэрэ холоон курдук: дойдугун атыылыыртан, хамнастарын улаатыннарартан атыны тугу оҥордулар? Максимов эрэ аҕыйах депутаты кытары итини барытын утаран, сытыйбыт былаас политикатын тупсара сатыыбын диэн сойуолаһыыга бардаҕа. Кэмсинимэ, кэлин өссө киэн туттуоҥ! Сыл-хонук. Аҕыйах сылынан ким ат үрдүгэр, ким ат өрөҕөтүгэр буолара биллибэт. Билиҥҥи былааһыҥ дойдугун майдааҥҥа тиэрдэн эрэр, Путин норуот абааһы көрүүтүгэр сылдьан баран, норуотун муннаран, тас дойдулары өстөөх оҥостон, дьон син кини тула сомоҕолосто. Сэрии кэмигэр оппозиция суох буолар диэн баар. Ону туһаннаҕа. Аны бу сэрии режимиттэн хайдах төлөрүйэбит? Дьэ, олороохтуубут…
Сандаара_: Ол атыҥ хайа өттүгэр, үөһэ дуу, аллара дуу олорон, чааһынай бөртөлүөттэммитэй? Халлаантан саккыраан түспүт дуу? Ама уорбатах киһи сүүрбэччэ мөлүйүөннээх бөртөлүөтү атыыластаҕай? Манчаарылаахтар ээ, өссө…

Zomber: Дом! Сахалар, дьэ, охтубут киһиэхэ тойон буолабыт. Кулут буоларга үөрэнэн хаалтар. Хайдах гынан дорҕоонноохтук үөҕэн, тойон эмэһэтин күүскэ салыырга диэн. Дьэ, кытаанах психология. Бэйэҕитигэр кэлэ сылдьаарай, улаханнык хаһыытаама, күөмэйиҥ ыалдьыа диэччилэр өбүгэлэрбит.

Буурҕа: Аф. Максыымап уол оҕото эбит дии санаатым. Хорсун-хоодуот санаалаах сахалар саатар 100 маннык уолаттардаахпыт буоллар диэҕи баҕарыллар.
Бу билигин биһиги, ол эбэтэр сиртэн хостонор баайбытын, чуолаан, урукку Газпроммутун биир Дагестаан уола чааһынай илиитигэр ылан олорор. Дьэ, бу маны барытын көрөн олорон тойотторбут куомуннаһан, киксэн туохха эрэ тиксибит буруйдарыгар куттанан кутуйах хороонун кэҥэтэллэр. Уонна бу биир ити отрасль иһин-таһын үчүгэйдик билэр хаарыан уолбутун сымыйанан сууттаан эрэллэр. Хайдах эрэ биһиги, сахалар, промышленнаска үлэлиирбит табыллыбатын курдук.
Саха дьоно биир итэҕэстээхпит — наһаа сэрэхпит дуу, куттаспыт дуу. Арай бары тахсан этэн-тыынан бардахпытына, туохпут да быһа барбата биллэр, хата, атын омуктар убаастыа этилэр.
Тойотторбут чохчоһон, куттанан, эмэһэ салыыртан атыны билбэттэр курдук. Онон норуот тахсан бэйэтин көҥүлүн туруорсуохтаах!
Чаҕылхай ыччаттарын көмүскүөхтээх, дурда-хахха буолуохтаах.

Егор: Максимов дьыалата заказной дьыала буолара хара маҥнайгыттан биллэрэ. Билигин бэйэтэ тус санаата суох, сокуон этэринэн буолбакка, хотун этэринэн сылдьар судьуйаны анаатахтара. Бу дьыалаҕа истэ-көрө сылдьар дьон судьуйа дьыаланы хайдах көрбүтүн, суут сэкирэтээрдэрин эмиэ кэтээн көрүөххэ наада. Инеткэ «Судьи России” диэн анал сайт баар, туох баар итэҕэһи барытын суруйаллар, ким баҕарар, ону кэтээн көрөллөр, судьуйа үлэтин сыаналыыллар эбит. Харса суох суруйуҥ.
Суут тоҕо эрэ фотоаппараты, видигы көҥүллээбэт. — Дьаабы дьаабы: Сымыйа суут айыытын-харатын норуоттан кистии саатан эрдэхтэрэ. Тойон сакааһын толорор суут онтон итэҕэс буолуо дуо?
Оо дьэ: Сордоох да ымсыы дьоҥҥут. Вертолет сыаната 2 джип сыанатыгар тэҥнэһэр, Максимов предприниматель буолбатах этэ дуо? Харчыны баҕас сатаан оҥорор мэйиилээх уол оҕото этэ. Мин аймаҕым орто баайыылаах предприниматель билигин 54 мөлүйүөнү эргитэ сылдьар, аҥаардас магазиннарынан. Максимов газ, нефть эйгэтигэр предпринимателлыы сылдьыбыт киһи хайдах икки джип харчытын булуо суоҕай? Уорбут да буоллаҕына, бэйэтиттэн уорар дуо? Тойотторгун көр — бюджет харчытынан көссүүлэригэр Москваҕа сүүстүү мөлүйүөннээх квартиралаахтар, биһиги налогпутугар. Дьэ уонна тэҥнээн көр — ким уоруйаҕый? Предприниматель дуу? Чиновниктарыҥ дуу?

http://forum.ykt.ru/viewtopic.jsp?id=3482837&f=149

8 декабря, 2014 Главные новости

Добавить комментарий

*