Барыта үчүгэй…

30 января, 2015 в 5:43

Тохсунньу 23 күнүгэр Дьокуускай куорат 18 нүөмэрдээх оскуолатын үөрэнээччитэ 13 саастаах кыыһы кыыс кырбаабыта аныгы үйэ сиэринэн аан дойдуга биллэн-көстөн аҕыс айдаан таҕыста.

Хас күн аайы ити быһылаан ымпыктанан, эбиитин үллэн-баллан истэ. Нэдиэлэ устата дьон итини эрэ ыаһахтаан таҕыста. Холуобунай дьыала тэрилиннэ, буруйдаахтары көрдүүр уххана саҕаланна, оскуола дириэктэрэ үлэтиттэн уурайда. Дьон кырбаабыт кыыһы хаайыыга уктарарга (ити кырата) диэн айдаарда. Онон сөп буолбакка, көрөн турбут, киксэрбит, күөртээбит оҕолору кытары сойуолаһарга диэн буолла. Быһылаан видеоҕа уһуллан тута интэриниэккэ угуллан итинник резонанс таҕыста эрэ, онон далаһаланан, сонун оҥоро охсон ыраатыннардылар эрэ – тута Арассыыйа телевидениетин киин канааллара тигинээн кэллилэр.

Дьон устунан кырбаабыт кыыс хайа омугун туоһулаһан, кырбаммыт кыыс хайа омугар тохтоон, устунан дьыаланы букатын дириҥэтэн кэбистилэр. Ону ааһан бэлэм сылтах миитиннии тахсыахха диэн турдулар. Арассыыйа таһымыгар ЧП чочуллан таҕыстаҕа ити.

ОРТ биэриитигэр тиийэн, дьыала букатын тиэрэ эргийэн, маннааҕы тойоттор буруйдаахтарын курдук стрелканы эргитэн кэбистилэр. Ол кэмиэдьийэни илэ көрө олорбут ити быһылааҥҥа кыттыгастаах уонна сүрүн буруйдаах оҕолор тоҕо да бу куһаҕаны оҥордубут ээ диэн түмүк оҥостуохтарай? Кырдьык ити курдук сымыйаҕа сыбанан, хайдах баҕарар эргитэн ууттан кураанах тахсыахха сөбүн көрөн итэҕэйдэхтэрэ. Тыл уҥуоҕа суох уонна куһаҕан да харчыга турар диэн өссө уруок ыллахтара. Сол киэһэ хаартысканан хардаларын бэйэлэрин страницаларыгар укпуттарын уһулу ойутан таһааран дьон көрүүтүгэр ыйыы охсубуттара. Ити букатын кыра оҕолор тустарыгар ыар тыллар эмиэ хат тиһиллэн барбыттара.
Диана с другом в Москве
Оҕо моральнай урод буола төрөөбөт.
Герои в Москве
Тас дьайыы оруола улахан. Дьыала оскуолатыгар да буолбатах ини. Дьиэттэн таска таҕыстыҥ да атын дьайбытынан барар. Оҕону аныгы үйэҕэ хайаан дьиэҕэ хаайан олордуоххунуй? Дьиэҕэ хаайан да диэн, дьай дьиэ иһигэр кытары уйаланар. Төрөппүт эрэйдээх оҕотугар, баҕар, эҥкилэ суох буолан көстө сатыа. Оттон тэлэбииһэр, интэриниэт? Ону барытын саба тутан, бу олохтон ойуччу оҕону иитэн таһаарар уустук. Оннук оҕо олороругар ордук уустук буолар ини. Хара дьайга хардарсыбат хаһан эмэ син биир охсуу ылыа. Онон, билигин оҕону иитиигэ сөптөөх суол бу диэн этэргэ уустук. Уруккулуу бэйэ холобурунан, үтүө быһыынан, үлэнэн, кинигэнэн иитиэххэ диир кэрэгэй.

Бэйэ холобурунан? Харчы харахтанан хараҥарыыта эрэ дьиэни буларгынан дуо? Быыс буллуҥ эрэ төлөпүөн үөһэ түһэргинэн, тэлэбииһэр иһигэр киирэргинэн дуо? Бэйэҕин биллэрэ сатаан, хаартыскаҕа түһэринэн эмиэ интэриниэккэ угаргынан дуо? Этэллэр ээ, аныгы үйэҕэ оҕоҕун кытары биир бииргэ буоларыҥ, киниэхэ эрэ аныыр кэмиҥ күҥҥэ биэс эрэ мүнүүтэнэн кээмэйдэнэр диэн…

Оҕоҥ кимтэн да туора көрүллүбэккэ, дьарыллыбакка, таарыллыбакка этэҥҥэ сылдьыан баҕардаххына, дьону кытта дьон курдук сылдьарга уһуйуохха наада буолан тахсар. Ол аата – күлэри кытта күлсэн уонна салгыы элбэҕи тиһэ туруохха сөп. Ити оҕолор быһылааны төлөпүөҥҥэ уста турбуттарыттан соһуйуу-өмүрүү бөҕөтө. Оттон бэйэбит? Быһылаан буоллаҕына, көмөнү ыҥырыах иннинэ хаартыскаҕа, видеоҕа устарга тиэтэйэбит. Уонна онтубутун ситим устун ыытан кэбиһэбит. Сүрэҕирдэхпитинэ, ютубка кутабыт. Оннооҕор полиция үлэһиттэрэ быһылааны устубуттарын уҥа-хаҥас утаараллар. Ити – бүгүҥҥү күҥҥэ НОРМА буолан бүттэ. Киһи соһуйара суох.

Оттон оскуола оҕолоро охсуһар охсуһуулара. Оскуола диэн аармыйатааҕар… Аармыйаҕа, төһөтүн да иһин, күөйэллэр, көрөллөр-истэллэр, сабыылаах эйгэ иһигэр баар буоллахтара. Оскуола, ордук куорат оскуолата, ыҥырыа уйатын санатар. Иккилии сменанан оҕону үөрэтэллэр. Ким кимин билсибэт үлүгэрэ. Хас оҕону хараҕыҥ далыгар сырытыннарыаҥый? Уонна, манна диэн эттэххэ, оскуола, учуутал оҕоттон тэйитиллибитэ. Кинилэр билигин ииппэттэр. Үөрэтэллэригэр баһыыба. Учууталлар эрэйдээхтэр куруук кутталга сылдьаллар. Аттестация, чаас аахсыыта, оҕо ахсаана, отчуот, поурочнай былаан уо.д.а. Бэйэҥ предмеккин этэҥҥэ биэрдэххинэ да сөп. Аны ЕГЭ…
Итинник улахан дьон уонна оҕолор ардылара аттар атар, эмиэ да биир буолар. Ирдиир сахха, буолуох буолбутун кэннэ бу оҕолор буруйдаахтар, хайаан да хаайыахха диэн улахан дьонтон итэҕэһэ суохтук ирдииллэр. Өссө өрөспүүбүлүкэттэн үүрдэриэххэ диэн тыллар иһилиннилэр ээ.

Кэлиҥҥи кэмҥэ бэйэбит айдааны күөртээн баран, көстүбэккэ олорон тылынан оонньоон, киһини барытын үөҕэн тыыммытын таһаарар идэлэннибит. Бу быһылаан туһуттан киһи барыта үөҕүлүннэ. Үөхсэн-үөхсэн баран тохтуохпут турдаҕа. Атын төрүөт көстүөр диэри. Оттон төрүөтү суохтан да олоон ылааччылар баар буолуохтара. Сонун суоҕар сонуну бөрөөн таһаарар идэ үөскээбитин кэннэ. Оннук анал сайтар бааллар. Кэппиэйкэҕэ дьону наймылаһан, аан дойду хобун-сибин хомуйан, ону араас канаалынан тарҕатарынан дьарыгыраллар. Ити конвейер тэҥэ. Ааһан иһэн айаллар, баары барҕардаллар, баһааҕырдаллар, үлүннэрэллэр уонна утаараллар. Ол «сонун» ватсаапка угуллар. Туустаммытын кэннэ бары канаалынан тарҕанар. Аны СМИ үлэһиттэрэ интэриниэттэн эрэ иитиллэн олороллор. Сатыы баран, сири тараахтаан, дьоннуун сэлэһэн дьиҥнээх сонуну булуох кэриэтэ, ким эрэ быктарбытын, салгыы ыстаабыттарын салгыы сайыннарар судургу.

Оттон буолуох буолбутун кэннэ ол интэриниэт иһигэр олорон өйдөөҕүмсүйэр өссө судургу. Өрөспүүбүлүкэбитин түһэрдилэр диэн тиэмэ аны күөрэйдэ. Ол чуо биһиэхэ эрэ иитии-такайыы мөлтөх, оскуолаҕа үөрэнии понятиенан олорууга эрэпэтииссийэ курдук үһүө, бүтүн дойду үрдүнэн кыайтарбат суол. Гордон Дьокуускай мээрин, онтон үрдүкү салалтаны саралаабыта күн сарсын умнуллан, атын айдаанынан солбуллуо. Ол туһуттан соло суйданыа, аат алдьаныа буоллаҕай.
Александр Гордон
Уон ахсыс оскуолаҕа бэйэм кыыһым үөрэнэ сылдьыбыттааҕа. Тыаттан кэлбит бырапыыската суох ийэ оҕото диэн хайа да оскуола чугаһаппатаҕар, аҕата нэһиилэ иккис оскуолаҕа киллэртэрбитэ этэ. Онтон ити кырыыба оскуолаҕа тиксэн хаалбыппыт. Биэс мүнүүтэ хойутаатыҥ да дьүүллэнэр, үлэ суох эрээри күнү быһа биир сиргэ хараҕаланан олоруохтаах үлэбин өрө тутан, ол кэннэ эчикийэ суруйааччы буолан айарынан иирэн, оҕом ол оскуолаҕа олох да өр үөрэммэтэҕин олох хойут билбитим. Оскуолаҕа баран билсиэҕи, хотуҥҥуттан көҥүллэтэриҥ уустук. Оннук үтэйиллэн, кэлиҥҥигэ сыҕаллан испитэ. Ити оскуолаҕа үөрэниэҕин баҕарбат кыыспын аны киэһээҥҥи оскуолаҕа көһөрөргө күһэллибитим. Уон ахсыс оскуолаҕа сыһан-соһон биир сыл үөрэммит диэн ыспыраапканы кэпсэтэн ылбытым быһыылааҕа, бэйэм суруйан биэрдим этэ дуу? Оҕо үөрэниэн баҕарбат оскуолатынааҕар, биир өлүүгэ сылдьар тэҥнээхтэрин кытары бэчиэринэйгэ үөрэммит ордук ини.

Куорат үөрэҕириитин салаатыгар оҕо буолан баран үөрэниэхтээх диэн дибдийбиттэрэ. Эттэххэ дөбөҥ, улуустан кэлбит оҕону оннун булларар. Тыаттан да оскуола туһуттан кэлбиттээҕэ. Олоҕу иккиһин эргитэн хат олоруллара эбитэ буоллар, оскуолаҕа үөрэттэриэм суох этэ. Биир бэйэм оскуолаҕа ааҕарга-суруйарга үөрэппиттэрин эрэ иҥэринэн күн бүгүҥҥэ диэри илдьэ сылдьабын… Билиҥҥи үйэҕэ оскуола боруогун атыллаамына да билиини ылыахха син. Ити оскуолаҕа учууталлыы киирэн баран, биир эрэ нэдиэлэ тулуура тиийэн икки атаҕынан уолум куоппута да элбэҕи этэр…

Кырбанньаҥ кыыс ийэтэ оҕом табахтаабат, испэт диэтэ, суос-сымыйанан диэн суруйаллар. Олох кыыл оҕотун курдук ойуулаан таһаардылар. Уоҥҥа тиийбэт сыллааҕыта кыыһым саастыылаахтара оҕолору салла көрөр этим. Ыал ийэтэ, аҕата буолар анала суохтар дуу диэбитим. Оҕо дьиэтиттэн таҕыста да атын буоларын төрөппүттэр билбэттэрэ бэрт буоллаҕа. Билбэттэрэ да үчүгэй. Ити бэйэтэ ааһар эбит. Ол оҕолор билигин бэйэлэрэ хастыы да оҕолоннулар, ол саҕана акаары да эбиппит дэһэллэр. Ити Диана да ааһар ааспытын кэннэ ыал ийэтэ тоҕо буолуо суоҕай? Тоҕо оҕоҕо бары саба түстүлэр, ыар тыллары ыһыгыннылар, дьылҕатын быһа эттилэр? Дьэ, итинтэн сылтаан оҕо өрө барыа турдаҕа. Ити сааһыгар оҕо өһөс.

Билбэт үчүгэй. Айдааны таһаарар наадата суох. Барыта үчүгэй. Оттон ити айдаан уҕарыы да илигинэ өссө ынырык түбэлтэ буолла. ЕГЭ-н сылтаан обургу уол оҕо бэйэтигэр тиийиннэ. Бу сырыыга куоракка буолбатах, улууска. Ол «сонун» Lifenews сайтыгар ыйана оҕуста.

Uve — Саня ЯКНК молодец, огласил вопиющий случай, не дал его замолчать. Только в передаче пришлось смотреть на эту драку. Видео ужасное, без содрогания смотреть невозможно. Хочется бежать без оглядки от такой картины куда подальше.
Передача Гордона отличная, кроме того, что бить плохо, сказано, что и врать плохо. И дети врут, потому что врем мы взрослые, врут власти.
Думаю, что местные князьки привыкли указывать местным журналистам. Но с федеральными журналистами такой номер не прошел. Они не простили неудачу и вмешательство, и совершенно правильно спросили: что у вас в Якутии творится.
А творится полностью позвоночное право.
Мэр не высказался, отдувается секретарь со своими женскими эмоциями, которые смотрятся жалко.
Передача очень правильная. Затронули вскользь тему национализма, ну так высказывание то реальное, сколько их было… Впрочем, их и не избежать, когда такой расклад, к сожалению. Такова реальность.
И еще было сказано о сердоболии. И не надо добивать 13-летнего дикого ребенка, когда у нас чиновники такие дикие. Только из лесу вышли.
Почему верю Гордону, а не пресс-секретарю? Потому что напомню, что и маму Карины из Мархи мэрские также шантажировали поездкой.
Представитель главы Якутии в Москве, экс-депутат Госдумы РФ Юлия Песковская: Александр Гордон категорично был настроен на властьимущих и конкретно на мэрию Якутска.

Уол — Кыыс бэйэтэ буруйдаах эбит. Тоҕо нуучча уолун кытта сылласпытай? Сахалары ол аата сирэр буоллаҕа. Саха да буолбатах быһыылаах уонна сахалары түһэрэ сылдьар. Дьиҥ саха кыыһа 13 сааһыттан нууччалары кытта сылласпат. Па да па, дьаабы, итинник сахалары түһэрэр дьону көмүскэспэппин, көрдөөбүтүн ылбыт эрэ диирбэр тиийэбин.
Седой — Саха кыргыттара нуучча кыыһын кырбаабыттара буоллар, бары уже спец школаҕа үөрэнэ сылдьыа этилэр, биир саҥата суох. Тойотторбут нууччалартан куттанан хаайыыга да симитэлиэ этилэр, бу кырдьык дьыала, мөлтөх, тугу да кыайан быһаарбат, куттас тойоттор. ПОЗОР…
http://forum.ykt.ru/viewtopic.jsp?id=3548280&f=149

sean_archer — Ну что, добился своего Саня-ЯКНК?! Смотри теперь какие у нас в республике по версии первого канала живут изверги животные!
А где ты был ДЯДЯ РОДНОЙ (раз уж так решил себя приписать к девочке), КОГДА твоя родня в Бурятию уехала от несладкой жизни!? Что ж ты в Москву-то к Гардончику полетел, когда ТВОЯ РОДНАЯ ПЛЕМЯННИЦА (по твоей же версии) находится в больнице в Якутске? Что ты сделал с теми бабками, которые с народа, пользуясь случаем вытянул «типа на лечение пострадавшей»? Где отчеты, чеки? Хапнул нормально, да в Москву полетел свистеть?!
Как только чужое резонансное горе, так ты сразу седлаешь волну и выезжаешь на чертовом черном пиаре! Да может ты и боролся за справедливость, но к ЧЕМУ ЭТО ВСЕ ПРИВЕЛО!! Я как гражданин РФ, как житель столицы родной Республики теперь из-за тебя УНИЖЕН НА ФЕДЕРАЛЬНОМ УРОВНЕ!
Более того, вспомним наших несчастных погорельцев с Борисовки. Что ж ты утих вдруг!? Че-то тебя и не слышно. Пропиарился и хватит типа? Как обычно! Пустозвон ты!
Гордон тоже молодец! Выставляет мэра нациком! Ваще шикарно! Суд по этому клоуну из Физрука плачет! Правильно мэр был против того, чтобы все это дошло до уровня всей страны! Сами разберемся, без сторонних обливаний грязи! Эта Диана — та еще мразь, такую в колонию для несовершеннолетних! Мать ее к полной ответственности, знаем за нее — та еще любительница алкоголя. Раздул на всю страну, так и отвечать тебе теперь стоит на том же уровне!
Алексеевна — Пусть знают, в каком г**не мы живем! Какая тут столица алмазной республики. Только тойонам хорошо в алмазах валяться.
http://forum.ykt.ru/viewtopic.jsp?id=3548367&f=25

30 января, 2015 Главные новости

Добавить комментарий

*