Библиотека күнүнэн: Кириэстээххэ кинигэ түүнэ

27 мая, 2014 в 3:34

Бүгүн – библиотека күнэ. Кинигэ, хаһыат, сурунаал суолтатын сүтэрбэт, сүтэриэ да суох кэриҥнээх.

Бүтүн аан дойду биирдэ ньимис гыныыта сыччах биир библиотека ордон хааллаҕына, киһи аймах олорон кэлбит олоҕун хартыынатын арыйан, хат тилиннэриэххэ син дииллэр.

Ыам ыйын 26 күнүгэр библиотека күнүн көрсө Кириэстээх нэһилиэгин библиотеката «Библиосумерки-2014» диэн сонун тэрээһини ыытта.

Сумерки

Маҥнай култуура киинин иннигэр «Көтүҥ, көҥүл санаалар» диэн литературнай чаас поэтесса Сайа талааныгар сүгүрүйээччилэрин түмтэ.

Литератураҕа сыһыаннаах быыстапкалар, бэл, литературнай бүлүүдэлэр дьон болҕомтотун тартылар.

Блюда

Оҕолуун-уруулуун сонун күрэхтэргэ кыттан махтал суруктары туттулар. Спонсордартан мороженай баҕалаахтарга тигистэ. «Хараҥа хоско» киирэн, эҥин кэпсээни-сэһэни истэн, бэйэни тургутан көрүөххэ сөбө.

Библиосумерки

Видеокиинэ көрдөрүлүннэ.

Маны сэргэ оҕуруотчуттар дьаарбаҥка-быыстапкалара үлэлээтэ.

Ярмарка

Сүбэ, көмө биэрэр баҕалаах элбэх этэ.

ОгуруотчуттарОгород

«Кинигэ түүнэ» диэн дискотека аҥаардаах сынньалаҥ киэһэтэ оҕолору, ыччаты түмтэ.

Ити курдук, билиини уонна көрү, туһаны уонна сынньалаҥы тэҥҥэ дьүөрэлиэххэ сөп.

 

Людмила ДАНИЛОВА, Кириэстээх, Сунтаар

27 мая, 2014 Без рубрики

Добавить комментарий

*