Бэйэбит туспутугар бэйэбит туруулаһыаҕыҥ!

27 мая, 2015 в 17:21

Тылын сүтэрбит норуот – омук быһыытынан эстэр, өрүһэ өлбүт сир – өтөхсүйэр, куруҥнуйар, сүтэр…

Биһиги, Хотун Бүлүү уутунан угуттанан үөскээбит дьон, бу улуу Өлүөнэбитигэр дьонтон-норуоттан ыйытыга суох бириигэбэр таһаарар эрэллэрин, чугастык, ыарыылаахтык ылынабыт.

алгыс

Сүһүрбүт ууну иһэн, онно умсаахтаан улааппыт дьон өрүс буомтуйуута туохха тиэрдэрин эппитинэн-хааммытынан билэр буоламмыт. Кэмин иннигэр кэхтибит, ыарыы ыалласпыт, эрэй эҥээрдэспит дьоннордоох буоламмыт. Биһигиттэн эмиэ ыйыппакка дьаһананнар өрүспүтүн өрүһүйбэтэх сүр аньыылаах буоламмыт.

Сохраним Лену

Саха сирэ курдук киэҥ-талыы, бу Сиргэ арыыланан хаалбыт кэм да ыраас дойдуну Эбэбит тыыннаан, салҕаан олордоҕо.

с плакатами

Өрүс диэн олох, тыынар тыыннаах баар буолуутун мэктиэтэ. Уута суох олох суох, салгына суох олох суох.

у театра много людей

Ол хорук тымырбытыгар дьаардаах дьаһал олоххо киирэн, ити ким эрэ хармаанын хаҥатарга аналлаах собуот үлэҕэ киирдэҕинэ, сарсыҥҥыбытын туора соттохпут ол.

уеьэттэн дьон

Киһи бу орто дойдуга бүгүн эрэ тото аһаары, айылҕа аныыр кэрэтин бэйэтигэр эрэ бөрөөн толору туһанаары кэлэр дииргэ кэрэгэй. Киһи ааспыттан тардыллар сурааһыны сарсыҥҥыны кытта ситимнээри, утум быстыбатыгар олук уурсаары кэлэр. Бүтэһигин олорор аата барытын быһа сотон кэбиһии – бу бүтүн киһи аймахха ыар, тугунан да боруостаммат буруйу оҥоруу.

очень много людей

Киһи сарсыҥҥы саргыны бүгүн таҥсаары олох олорор. Бу тухары мин ситэрбэтэхпин оҕом ситэрдин, мин кыайбатахпын кэнчээрим кыайдын, оҕом миигиннээҕэр ордук үчүгэйдик олордун диэн санаанан салайтаран олохпутун тэринэр этибит. Ол ордук сахаҕа баар – бэйэ туһугар буолбакка, оҕо, кэлэр кэскил туһугар олоруу. Күн бүгүн ол суох буолла. Бэйэбэр эрэ бэрт буоллун, кэннэ кэтинчэ да буоллун диэбиттии дьаһанабыт.

аплодируют

Ама итинник кэскиллээх санаа үрдүк өһүөлээхтэрбитигэр, быстах кэмҥэ былаастаахтарбытыгар да суоҕа буолуо дуо?! Кинилэр да тэбэр сүрэхтээх, тыгар хааннаах, ыалдьар эттээх, хаалларар ыччаттаах инилэр. Ама да улуу дойду хонноҕор кыбыллан олорорбутун күннэтэ санаппыттарын иһин, баайбытын барытын туран биэрбиппитин иһин, саатар бу курдук тыын боппуруоска – баар буоларбыт-буолбаппыт быһаарыллар түгэнигэр биир эмит утары саҥарар, норуотун туһугар туруулаһар, дойдутун инникитин түстэһэр киһилии сиэрдээх, сахалыы санаалаах тойон-хотун суоҕа буолуо дуо?! Сөбүлэҥмитин ыһыгыннаран норуот туһугар ууга-уокка киирэргэ бэлэм курдук тылласпыт дьокутааттарбыт ньим бардылар, кутуйах хороонун хаһыннылар.

Артемьев Губарев на сцене

Оччотугар бэйэбит туспутугар бэйэбит туруннахпытына сатанар. Оттон норуот биир киһи курдук биир дьаһалы утарар буоллаҕына, тыас тахсар, хайдахтаах да ыпсыбыт ыйаах көтүрүллэр кыахтаах.

Говорит обедин

Күндү Сахам сирин олохтоохторо! Эйэлэһэн, ээл-дээл эрэ буолумуоҕуҥ, бэйэбит туспутугар бэйэбит туруулаһыаҕыҥ!

И.Степанов начинает митинг

Тылын сүтэрбит норуот – омук быһыытынан эстэр, өрүһэ өлбүт сир – өтөхсүйэр, куруҥнуйар, сүтэр…

Ойуунускай Саха сирэ сир сурэгэ

Бу күннэргэ былаас уора-көстө бу тухары талбытынан дьаһайан, харчыга харамсыйан, үп үрдүгэр сылдьан айбардаабытын саралаан, дьон-норуот истиитигэр таһаарар сүрүн соруктаах кимтэн да, туохтан да тутулуга суох коррупцияны утары «БАТАС» диэн общественнай кэмитиэт тэрилиннэ. Ол бу Өлүөнэ эбэбитин эһэргэ аналлаах дьаһалга туох сыһыаннааҕый диир эбит буоллахха, эппиэтэ бэрт судургу – бу омук дьонунан туттаран ылаары гынар собуоттарын кэтэҕэр ким эрэ тус интэриэһэ баар. Кими эрэ тосту байытар буолан итинник дьаһаллар тахсаллар. Дьиҥинэн, биллибэтинэн дьаһанан, тутууну саҕалаан барыахтаахтара, биллэн хаалан, билиҥҥитэ харгыстанан турар.

2015 сыл ыам ыйын 22 күнүгэр уопсай мунньаҕынан бигэргэннэ

 

«БАТАС» КЭМИТИЭТ МАНИФЕҺА

 

 

Биһиги, Российскай Федерация уонна Саха Өрөспүүбүлүкэтин гражданнара, бэйэбит баҕа өттүбүтүнэн уонна тус санаабытынан салайтаран, коррупция бары көрүҥүн утары күүспүтүн түмээри уопсастыбаннай түмсүүнү тэрийдибит.

 

«Батас» коррупцияны утары кэмитиэт тутулуга суох, политика уонна коммерция эйгэтиттэн туспа, көҥүл тэриллии, уопсастыбаннай түмсүү. Сокуону тутуһуу, сиэр-майгы, кырдьык, тэҥ бырааптаах буолуу, бэйэни бэйэ дьаһаныыта курдук суолларга олоҕуран үлэлиэҕэ.

 

Саха сиригэр былаас биир ии иһигэр хаайтарда, уларыйбат биир буолла. Ол түмүгэр биһиэхэ харах баайыыта демократиянан саптынан, дьонтон-норуоттан ойуччу турар корпоративнай-клановай, авторитарнай-бюрократическай режим үөскээтэ диэн аһаҕастык этэбит.

 

Ити ии иһигэр төрөөн-үөскээн, сайдан-силигилээн тахсыбыт коррупция өрөспүүбүлүкэбит туох баар судаарыстыбаннай, экономическай уонна социальнай институттарын сатарытыах айылаах ааһан-араҕан биэрбэт ыарыыга кубулуйда.

 

 

Биһиги, СӨ олохтоохторо, былаас бары араҥатыгар тахса турар коррупция улам далааһыннанан, тэнийэн иһэриттэн дьиксинэбит. Өрөспүүбүлүкэҕэ уопсастыбаннай хонтуруолу олохтуур туһунан СӨ Сокуона тахсыбыта биир сыл буолла да, туох да түмүгү аҕалбата, хамсааһыны таһаарбата.

Былаас норуот итэҕэлин сүтэрдэ, дьонтон тэйдэ, оттон дьон былааһы эмиэ итэҕэйбэт, былааска эрэммэт буолла. Чунуобунньук аймах дьон этиитин ылыммат, кириитикэни истибэт, сыыһа дьаһаллар тахсалларын саралыыры утарар. Ол иһин хонтуруоллуур кыаллыбат.

 

Эҥин уопсастыбаннай сэбиэттэргэ, палааталарга, хамыыһыйаларга былаас «бэйэ дьонун» киллэрэн, былаас тугу этэринэн үлэ барарын иһин, итинник уопсастыбаннай түмсүүлэр аатыгар эрэ тэриллибит буолан тахсаллар. Ол иһин биһиги коррупцияны утары үлэлиир тутулуга суох гражданскай кэмитиэти тэрийэргэ сананныбыт.

 

Биһиги ыытар үлэбит РФ Конституциятыгар, 2014-2015 сылларга коррупцияны утары үлэ Национальнай былааныгар, «Коррупцияны утары», «РФ Общественнай хонтуруола», «Дьон быраабын уонна көҥүлүн күөмчүлүүр дьайыылары суукка үҥсүү» диэн федеральнай сокуоннарга, «СӨ-гэр общественнай хонтуруол туһунан» СӨ сокуонугар олоҕуран ыытыллыаҕа.

 

Аныгы информационнай технологиялары киэҥник туһанан, олоххо тахсар омсолоох суоллары утары охсуспут уопуттаах актыбыыстары уопсастыбаннай хонтуруолу олохтуур альтернативнай түмсүүлэри тэрийэн, былаас иһигэр уйаламмыт коррупцияны утары туралларыгар ыҥырабыт.

 

Бары туруннахпытына эрэ хамсааһын тахсыа. Бу манифеһы ким баҕарар өйөөн илии баттыан, кырдьыктаах дьыалаҕа кыттыһан, бэйэтин тус кылаатын киллэриэн син.

Сарсыҥҥы саргыбыт – самныбат санаабыт!

 

Бурцев Иван Семёнович – эколог, суруналыыс, суруйааччы;

Габышева Виктория Валентиновна – быраабы көмүскээччи, суруналыыс, суруйааччы;

Кырджагасов Анатолий Андреевич – Дьокуускай куорат мунньаҕын дьокутаата;

Николаев (Уххан) Иван Николаевич – поэт, общественнай деятель;

Петрова (Чэгдэ) Венера Николаевна – поэт, прозаик, суруналыыс;

Седалищев Николай Иннокентьевич – быраабы көмүскээччи;

Степанов (Сква_р) Сергей Карлович – блогер;

Татаринов Спиридон Степанович – суруналыыс.

Дьааттаах собуот дьаадыйыахтаах

 А.Гаврильева снимает Руфова

Дьаатынан тыынар собуот тутуллар

Анегина Ильина

Мин төрүт түөлбэбэр Өлүөнэм үрдүгэр.

Артемьев Губарев на сцене

Дьон-норуот туһугар саргыны сарбыйар

аскалон Лэгэнтэй

Амырыын дьааттаах собуот суох буолуохтаах!

В.Габышева А.Никифорова

Ыймахтыыр ыраас салгыным бу саас

Сиэрэ сыттанна, сүр кутталланна.

Уххан с книгой

Дьон-норуот туһугар саргыны сарбыйар

Амырыын дьааттаах собуот суох буолуохтаах!

мэнэлэр

Үстүүрэлиир үөстээх, үс улуу хочолоох

Өлүөнэ эбэбэр өлүүнү түстүүллэр…

РОман Егоров на фоне митинга

Дьон-норуот туһугар саргыны сарбыйар

Амырыын дьааттаах собуот суох буолуохтаах!

с фейсбука

Дойдубут кутугар, хорук тымырыгар

Дьаатынан алдьархай ааҥнаабыт.

 

УЙУЛҔААНА.

Антонина ГаврильеваОьуохай уйбаанДарбасов писатель Луковцевженщина экологсулустаана мырааниндийцыобедин денис адамоводетая собакаОйуунускай уонна оголор

 

 

27 мая, 2015 Главные новости Новость дня

Добавить комментарий

*