Дьаакыр…

3 февраля, 2015 в 9:03
Дьаакыр

Гомосексуалистарга, гейдэргэ эһиги көрүүгүт, санааҕыт, сыһыаҥҥыт хайдаҕый? Дьокуускай куоракка эрэ буолбакка, бүтүн Саха сирин үрдүнэн, оннооҕор нэһилиэктэргэ оннуктар элбээбиттэр эбит. Эһиги маны туох дии саныыгыт?

Гомосексуаллар эр киһилии киэптээх буолуохтарын сөп буоллаҕа. Таһыттан көрөн дьону быһаарбаккын. Көрдөххө, нормальнай ыал аҕата, оҕолордоох, кэргэннээх. Ол эрэн, гомосексуал. Или пассив, или актив, или ни рыба, ни мясо.

Мин төбөбүн сынньыбаппын. Миэхэ ити проблема буолла. Кэргэммиттэн сиргэнэбин. Биир остуолга олорон аһаабат буола сылдьабын. Кэпсэтиэхпин да баҕарбаппын. Ол эрэн, эр дьону кытта сылдьыһарын билбиппин этэ иликпин. Оҕолорбор да чугаһатыахпын баҕарбаппын. Ол иннинэ дьахталлары кытта изменяйдыыр этэ. Ол диэхтээн. Ону барытын бырастыы гыммытым, дьиэ кэргэним туһугар. Онтум ити баар. Наһаа да тууйулуннум. Хайдах буолуохпун билбэппин. Арахсар эрэ туһунан саныыбын. Бэйэбит элбэх оҕолоохпут.

Телефонун көрбүтүм алҕаска. Анаан-минээн буолбатах. Эмиэ түүҥҥү сырыытын сылдьан, арыгы иһэн кэлэн баран, телефонун тута сытан утуйан хаалбыт этэ. Ону мин зарядкаҕа уураары ылбытым, көстөн кэлбитэ. Печкатыгар эмиэ бэйэтин курдук эр киһини кытта кэпсэтэ сытан утуйбут эбит. Кэпсиэхпин баҕарбаппын, дьаабы…

Тотон оннукка тиийэллэр эбит. Хас да сыл ааста. Түүҥҥү сырыынан сылдьыбыта. Наһаа көлдьүргээн эрдэҕэ. Олох да атын склоннастаах киһиэхэ бэйэбин көрүнэн, киэргэнэн-симэнэн муҥнаммыт эбиппин. Куруук соҕотох кэриэтэ олорон-олорон кэллим, оҕолорбун кытта. Аҕа баһылык дьиэ кэргэнин иитэр, булар-талар диэн кини кэлэрин-барарын тута да сатааччым суох. Таһыттан көрдөххө, киһи сиэринэн олорор ыалбыт. Ол эрэн, кини изменаларын төһө да санааҕа ыллардарбын, аһынан бырастыы гынан испитим. Ол мин буруйум эбит.

Мин хайдах киниттэн отделайсы гынабын диэн санааҕа ыллара сылдьабын. Эрдэ арахсыахха дии сылдьыбытым, наһаа сырыырҕыырын иһин. Бэйэҥ олоххунан олор диэн көрбүтүм. Кэргэнэ, оҕото-уруута суох сылдьан төһө баҕарар күүлэйдиэххин сөп диэбитим. Ону истибэт. Ыыталаабат. Дьахтар буолан баран Эр киһиэхэ таптатарга, Эр киһини таптыырга ананан кэллэҕим, дьиҥэ. Олох эдэрбитигэр холбоспуппут. Бэйэтэ эккирэтэн ойох ылбыта. Аны мемуар суруйарбар тиийдим. Оннук суруйуох да курдук турукка тиийдим.

Бу өйдөөн кэллэххэ, элбэх эр киһини кытта алтыһар эбит. Сорохторун билбэппин даҕаны. Ватсабыгар оҕо көтөҕүүлээх олорор эр киһи баар. Эһиги этэргит курдук манернай көрүҥнээх. Эмиэ хайа эрэ ыал аҕата буолаахтыа, саха.

Орто саастаах дьоммут. Сөпкө этэҕин, хайдах эрэ гынан кэпсэппит киһи. Икки өттүттэн халыҥ аймахтаах дьоммут. Бэйэм дьоммор, кини дьонугар наһаа биллэрбэккэ арахсар киһи ордук буолуо этэ да, ол хайдах? Эрдэ бара сылдьар түгэммэр эмиэ кимиэхэ да биллэрбэтэҕим. Бэйэм проблемабын быһаарына үөрэммит киһибин. Дьэ, уонна түбэспэтэхпэр түбэһэн, манна санаабын астаҕым. Аны арахсарбар, суукка онтон сылтаан арахсабын диэтэхпинэ, хоп -сип тарҕаныа турдаҕа. Наһаа кини аатын-суолун түһэрбэккэ эрэ арахсар үчүгэй буолуо этэ. Манна да суруйбуппун, соччо сөбүлээбэккэ сылдьабын. Тууйуллан суруйдаҕым. Дьоҥҥо тарҕаннаҕына, оҕолорбунан тахсар буоллаҕа. Кинилэр аҕаларын киртиттэхпинэ, оҕолорбор куһаҕаннык дьайарын билэбин. Ол иһин, улахан санааҕа ыллара сылдьабын.

Арахсар түгэммэр, арай оҕолору былдьастын. Суут итинник аморальнай киһиэхэ оҕолору биэриэ дуо? Гомосек киһи уолаттарын туох үтүө өйгө-санааҕа иитиэй… Өйүм хоппото. Выход биир — арахсыы. Биир өттүнэн, дьоммор-сэргэбэр биллэрбэккэ эрэ, атын эр киһини буллум диэн албынныырым дуу. Хайдах оннугун иһин арахсабын диэхпиний. Сүрэ бэрт. Аны бэйэтигэр эмиэ Печкатын аахпыппын этэ иликпин. Бэйэм ааппын-суолбун алдьатан арахсарым хайдах эрэ. Бу дьахтар туора тотон эримсэхтэнэн барбыт диэн букатын оҥорботохпор хоп-сип тарҕаныа турдаҕа. Дьэ, туора көрүллэрбит кэлэр дии. Оҕолорбун сэниэхтэрэ, атаҕастыахтара. Кэбис! Биир да киһиэхэ этэ иликпин. Манна эрэ санаабын аһаҕастык этэбин. Эбэтэр тугу да биллэрбэккэ эрэ, саҥата суох олорбутум курдук олоробун дуу? Һуу, итинник киһини бырастыы гыннахпына, бэйэм бэйэбиттэн кэлэйиэм. Уонна күүлэйдьити кытта олорбут да диэн. Ол буолан өссө күнүүһүт. Киниэхэ кырыллар кыыһынан кэлбитим, хаһан да изменяйдаабатаҕым, дьиэ кэргэним иннигэр ырааспын! Баҕар, кини оннукка тиийбитигэр миигин буруйдуоххут. Оннук буолбатах. Арай акаарыны оонньоон акаарыга ойох тахсыбыт буруйдаахпын. Мин кинини психологически неуровновешаннай, ненормальнай киһи курдук көрөбүн уже. Дьахтар эр киһини бэйэтиттэн намыһахтык көрөр буолла да, киниттэн тэйбит эрэ киһи диэн саныыр эбит. Элбэх оҕо да, харчы да, статус да тутар кыаҕа суох. Мин кинини намтатыам дуо, дьиэ кэргэнин иннигэр бэйэтэ түстэҕэ дии. Эрдэтээҥҥи изменаларыгар бэйэбин буруйдана саныыр этим. Сыыспыппын. Көммөт киһи көммөт эбит. Дьиҥэ, испэт-аһаабат, булугас-талыгас, үлэһит киһи. Хайдах барыта куһаҕан буолуой.

Баҕар, соҕотох дьахталларга гомосек баҕалааҕа буолуо. Билбит суох. Эрдэ бэйэтэ көрдөһөн-ааттаһан бырастыы гыннарааччы. Бырастыы гынабын, миигин кытта хаал, олор диэбэтэҕим, хаһан да. Миигиттэн хомунан бара сатаабыт да түгэнэ суох. Билигин да барытын эттэхпинэ, көрдөрөн туран мэлдьэхтээх киһи буолара буолуо. Арай бэйэм, оҕолорбун илдьэ барбыт түгэним баар. Ону, дьэ, булаттаан, алы гынан аҕалбыта. Ол саҕана кини гомосек буоларын билбэт буоллаҕым дии. Бэйэм бэйэбэр бүгэн сылдьарбыттан, бииргэ аһаабат, чэй куппат буолбуппуттан сылтаан, билигин эмиэ үчүгэйэ киирэ сылдьар. Син сэрэхэдийэр быһыылаах. Эттэхпинэ да, сирэйэ-хараҕа суох бырастыы гынаттара сатыаҕа.

Кини итиннигин билэ иликпиттэн бэйэм да билбэппинэн сииргэнэр курдук буолбутум. Уонна поведениетыттан көрөн голубой дуу диэн санаалар охсуллан ааспыттара. Печкатын көрөрбөр уже скриншоттаан ылбытым. Арааһа, мин дьолбор, иһэн кэлэн Печкатыгар киирэн баран утуйбут. Паролун хантан билиэхпиний. Уонна тоҕо ити развратнай сайты «Печканы» тустаах үлэһиттэр көрбөттөрө-истибэттэрэ буолуой. Үөһэттэн оччо үлүгэр «харысхаллаах, көмүскэллээх» сайт эбитэ дуу. Мин көрдөхпүнэ, барыта разврат, *****графия, насилие. Суут-сокуон муна-тэнэ сырыттаҕа. Таһыттан көрдөххө, развратнайа биллэр буоллаҕына, онно олохсуйан олорооччулар иэдэйбит дьон буоллахтара. Ол иһигэр, ыал аҕалара… Баҕар, биир-икки киһи сиэринэн билсэр дьон баара буолуо. Дьиҥэ, үчүгэй иитиилээх үтүө киһи ханнык да *****-сайт «ыарыытыгар» хаптарбата буолуо. Биир өттүнэн, интернет нөҥүө дьону зомбируйдууллар. Онно самобучениеланан, эһиги этэргит курдук, маньяк да, педофил да буолуохтарын сөп курдук.

Кинини таһыттан көрөн куһаҕан киһи диэбэккин. Күөх оту тосту үктээбэт, биллэн турар, таһырдьа, дьон-сэргэ ортотугар. Дьиэтигэр наһаа ыгым, маатырыта, үөхсэрэ элбэх. Ону көрөн, оҕолоро түһэрэн ылаллар. Аҥаардас оҕолор иннилэриттэн арахсар түмүккэ кэлэн эрэбин. Уонна эрдэ куһаҕаны оҥорбута элбэх буолан, билигин бырастыы гынар кыаҕым суох. Урут нормальнай киһи курдук санаан аахсар этим. Көрсүүлэһэн кэлэ-кэлэ илиитин көтөҕөрө. Ону, хата, от-мас үлэтин үлэлии үөрэммит буолан тулуһарым. Туох баар неудачатыгар барытыгар миигин буруйдуура. Бэйэм да киһи буолан баран, характердаах буоллаҕым. Энчитэ суох ырааспын дэммэппин. Мин кинини иитэн улаатыннарбыт киһи буолбатахпын. Мөлтөх дьахтар эбитим буоллар, тэпсибитэ ырааппыт буолуо этэ. Кинини үчүгэй хаачыстыбата суох диэбэппин. Ол эрэн, таҥнары дьаакыры хайдах да сырдыкка-кэрэҕэ угуй син биир таҥнары дьаакыр буолар эбит. Онон барыта хас биирдии киһиттэн бэйэтиттэн тутулуктаах.

Печкатын көрбүппүн намектаан-хайаан, дьэ, эппитим. Киһим биллэн турар кыбыстар. Ол буолан син биир мэлдьэһиэх, суоһурҕаныах курдук. Арахсабыт, барыта бүттэтдиэбиппэр, кыыһырар, буолуммат. Уже кинини атыннык көрөбүн. Бэйэбэр чугаһаппаппын, салгыы олорор санаа да кэлбэт. Сорохтор оннооҕор көннөрү дьахтары кытта изменаны бырастыы гымматтар. Мин буоллаҕына, кинилиин сол да биир дьиэҕэ олоробут. Аны ыллым да барарбар эмиэ ыарахан. Заявление суруйдахха төһө өр буолан баран көрөллөр?
Кэрэ аҥаар
http://forum.ykt.ru/viewtopic.jsp?id=3546286&f=27

3 февраля, 2015 Главные новости Шок

Добавить комментарий

*