Иван ГОРНАЙ: Биллибэт күүскэ абылатан

1 мая, 2014 в 4:16

Бу күннэргэ СР суруйааччыларын сойууһун чилиэнэ, поэт Иван ГОРНАЙ «Муҥур үйэ муудараһа» диэн хоһооннорун кинигэтэ күн сирин көрдө.

Иван Николаевич ЕГОРОВ – Иван ГОРНАЙ Горнай оройуонун Ньурбаҕанчына нэһилиэгиттэн төрүттээх. Кини идэтинэн математика учуутала, сахалартан бастакы тифлопедагог. Көрбөттөргө аналлаах сахалыы алпаабыт ааптара. Бастакы разрядтаах саахыматчыт.

Кини СР үөрэҕириитин туйгуна, СР култууратын үтүөлээх үлэһитэ, «Гражданскай килбиэн» ытык бэлиэ наҕараадалаах.

 

Киһи диэн киһи

 

Баҕардар төлкөтө түҥнэстэн

Бараммат эрэйгэ түбэстин,

Киһи диэн киһи ээ, бадаҕа,

Киниэхэ – бастатан, баҕата.

 

Дуоһуйуу, астыныы туһуттан,

Тосхойбут биир түгэн туһуттан

Дьон бэлэм ууга да түһэргэ,

Ол сонун буолбатах бу сиргэ.

 

Биллибэт күүскэ абылатан

 

Мин хоһооннорбун ааҕан баран,

Биллибэт күүскэ абылатан,

Суруйбат дьон сорохторо

Суруйуохтарын баҕардаллар,

Суруйар дьонтон сорохторо

Суруйалларын бырахталлар –

Сахам дьонун санаатын табан

Саҥарбыт саҥам, эппит этиим

Саатар биирдэ саас-сааһын булан

Сатаммыт буоллаҕа диэх этим.

1 мая, 2014 Главные новости

Добавить комментарий

*