Культуралар алтыһыылара

12 февраля, 2015 в 3:49
3-1.Кульуралар алтыьыылара

Кытай Народнай Республикатын уонна Саха Республикатын кыттыгас айар бырайыактарын өйүүр итиэннэ икки норуот культуратын алтыһыытын сайыннарар, бөҕөргөтөр сыаллаах СР Ил Дархана Е.А.Борисов 2014 сыллаахха ахсынньы 8 күнүгэр “Олоҥхо дойдутун Искусствота” Күннэрин Пекиҥҥэ ыытар туһунан дьаһала тахсыбыта.

Бу дьаһал сүнньүнэн үлэ бара турар. Ол курдук олунньу 11 күнүгэр СР Судаарыстыбаннай Сүбэһитэ Андрей Саввич Борисов Суорун Омоллоон аатынан опера уонна балет Государственнай театрын, Ойуунускай аатынан Саха академическай театрын, Олоҥхо театрын итиэннэ хотугу омуктар театрдарын директордарын кытта аны күһүн Пекиҥҥэ ыытыллыахтаах “Олоҥхо сирин Искусствота”диэн ааттаах СР культуратын Күннэрин ыытыы кэккэ дьаһалларын дьүүллэстэ.

Сорох театрдарбыт номнуо РФ культура уонна искусство эйгэтигэр көрөр граннарыгар киирсэ сылдьалларын эттилэр. “Опернай, драматическай уонна кукольнай театрдар туруорууларыгар көрүллэр үп 3 мөлүйүөнтэн 18 мөлүйүөҥҥэ диэри халбаҥныыр”, — диэн Суорун Омоллоон аатынан опера уонна балет Государственнай театрын туруорааччы-режиссера А.Садовскай эттэ. Мунньахха репертуардары өссө төгүл чопчуластылар. Төһө айар коллектив барарын дьүүллэстилэр.
Майя ВЛАСЬЕВА

12 февраля, 2015 Главные новости Культура

Добавить комментарий

*