Кэбиһиилээх отторбут

15 января, 2015 в 12:26

Киэҥ толоону толорбут
Кэбиһиилээх отторбут
Санаталлар өрүүтүн
Дьолбут төрдүн-төбөтүн.

Үлэнэн үрдүк дьолбутун
Үйэлээхтик түстүөхпүт,
Биитэр тыалга соргубутун
Салаа оттуу көтүтүөхпүт.

Бэлэм дьолу атырдьахтаан,
Дьылҕаҥ ууммат, “бугулгун”
Бэйэҥ сүгэн, кыдамалаан
Чөмчөт, түстээ үрдүк дьолгун.

Дьолуҥ-соргуҥ боскуйатын
Толор үтүө дьыаланан,
Киһи буолан кэлбит ааты
Кэрэхсэтэр дьайыынан.

Дьолго тиэрдэр суол бэлиэ –
Көстөр көмүс көлөһүн.
Ким ону солоон кэлиэ –
Билиэ үөрүү үрдүгүн.
Петр МАКСИМОВ.
Бэкэй икки ото

От кэмэ
Салаа оттон самсананнар,
УКгаайыттан улаатаннар,
Түөллүбэт түгэхтэнэн,
Сиҥнибэт силистэнэн
Алаас-сыһыы ахсыытынан
Арыы-уоһах асхарыйан,
Үтүмэнниир да дьылтан
Үүнэ, үрдүү турдахтара
Кэбиһиилээх оттор!
Кэбиһиилээх оттор!
Николай РЫКУНОВ.

15 января, 2015 Главные новости

Добавить комментарий

*