Мас сылгы минэлээх

31 декабря, 2013 в 9:30

Илиҥҥи халандаарынан 1913 сыл олунньу 31 күнүттэн халлаан күөх өҥнөөх Мас сылгы сыла саҕаланар.  Бу сыл, ааҕан-суоттаан дьаһаныыны сэргэ, эрчимнээх, өрө күүрүүлээх, кимиилээх дьайыылары эрэйэр.

Сылгы сыла от күөх, халлаан күөх өҥнөрдүүн дьүөрэлэһэр. Стихията – мас, тулалыыр эйгэҕэ сөп түбэһимтиэ эрээри, уолҕамдьы, уларыйымтыа буолар.

Сылгы сыла 1942, 1954, 1966, 1978, 1990, 2002, 2014 сылларга төрөөбүттэр символлара. Маннык бэлиэлээхтэр майгылара ханнык да хаарчахха бас бэриммэт, бэйэлэрэ биллэллэринэн сылдьалларын сөбүлүүллэр. Кинилэр олоххо бэйэлэрин тус көрүүлэрин, бырааптарын туруулаһан тэйэллэр. Кыра да сылтахтан кыыһыралларын туттумматтар. Ардыгар сылтаҕа да суох быыппастан туруохтарын сөп. Кинилэр санааларын түһэрбэттэр, эрчимнээхтэр, дьоҥҥо сайаҕастар. Соҕотохсуйалларын сөбүлээбэттэр, куруук доҕордоох-атастаах буолалларын ордороллор. Үптэрэ-харчылара быстыбат, улахан эрэйэ суох булаллар-талаллар.

Тапталга ыт уонна тигр сылларыгар төрөөбүттэри кытары ордук тапсаллар.Мас сылгы минэлээх

Сылгы сылыгар төрөөбүттэр имэҥнэрэ күүстээх, сүрэхтэрэ, баҕалара тугу этэринэн быһаарыналлар. Кыайар-хотор туһугар туохтан да толлубаттар, тапталга күүскэ убаналлар. Кинилэр тута сөбүлэтэргэ кыһаналлар уонна көрсүһээт да таптаһаллар.

 

2014 сылы хайдах көрсүөххэ?

Дьиэни-уоту хомунарга ахсынньы 31 күнүн бүтүннүү аныыр ордук,  чуолаан сантехниканы көрүнүөххэ: итэҕэл быһыытынан, кыраан уута тэстэ турар  дьиэтигэр түптээх олох буолбат.

Сылгы айылгытынан үөрүнньэҥ, үчүгэйгэ эрэ дьулуһар, дэлэччи-хоточчу туттарын, дьон ортотугар сылдьарын ордорор. Ол да иһин Саҥа дьыл буолаары турдаҕына быыстапкаларга, театрдарга, кэнсиэрдэргэ, үөрүүгэ-көтүүгэ баран кэлэр куһаҕана суох. Ол гынан баран, итини тэҥэ сылгы дьиэҕэ-уокка, чугас дьонугар олус тардыстарын умнубат ордук. Ол иһин Саҥа дьылы дьиэ кэргэни кытта, аймахтардыын, чугас дьоннордуун үөрэн-көтөн көрсөрү, хайа кыалларынан доҕотторгун, истиҥ дьоҥҥун эҕэрдэлиири умнумуохха.

 

Саҥа дьылга хайдах таҥныахха?

Бу сылы көрсөргө таҥаһыҥ-сабыҥ ураты буолуохтаах. Сылгы сыла мас айылгытыгар сыһыаннааҕын быһыытынан, кытай үгэһинэн от күөҕэ өҥ ордук дьүөрэлэһэр. Таҥас көрүнэргэ халлаан өҥүн, фиолетовай дьүһүнү, уу күөҕүн талыахха сөп. Ити өҥнөрү үүнэр дьыл хаһаайката сирбэт. Оранжевай, сиреневэй, араҕас өҥнөрү Сылгы сөбүлээбэт. Күөх өҥ ордук тоҕоостоох, ону таһынан харахха быраҕыллар заколкалар, кулоннар, түүппүлэлэр эһиги таҥаскытын-сапкытын ситэрэн биэриэхтэрэ. Сылгы чөмчүүк киэргэли (ордук хара чөмчүүгү)  уонна акмариннаах биһилэҕи ордорор. Маһынан чочуйуллубут хоруоҥкалар, кулоннар эмиэ бэркэ барсаллар.

Саҥа дыл остуолугар тугу ууруохха сөбүй?

Остуолгутун араастаан киэргэтиллэн ууруллубут үрүҥ болотуна салфеткалар ситэрэн биэриэхтэрэ. Саҥа дьыл түүн дьиэҕит иһэ субу астаммыт килиэп, ону сэргэ күөх тума, булочка, пирожнай, сыр туймаардар минньигэс сыттарынан дыргыйдын, онуоха уохтаах кымыс кыттыһара олус бэрт. Биллэн турар, Сылгы тапталлаах аһылыга — эбиэс бырааһынньык өлгөм остуолугар оччо сөпсөспөтө буолуохтаах. Ол да гыннар остуол ортотугар кэрэ көстүүлээх иһиккэ овсянкалаах аһылык турара мэһэйдиэ суоҕа. Бырааһынньык остуолугар хайа сатанарынан күөх оттон туманы хойуутук туттар сөп.

Харыйа анныгар биир-икки быһыы туустаах хара килиэби уурар эмиэ да наада. Илиҥҥи дойдуларга, Сылгыны үөрдээри, биирдэрэ уулаах, атына кырбаммыт оттоох икки бүлүүһэни уураллар. От үрдүгэр кыһыл боростуой сабы уурар үгэстээхтэр. Ити ытык сылгы тэһиинин курдук буолар. Вегетарианныы астаммыт салаттар, десеркэ дьаабылыкалаах бөрүөктэр, овсянка бичиэнньэлэр баар буолаллара үчүгэй. Күөх сылгы арыгытааҕар минеральнай ууну, атын да утахтары, коктейллары ордорор. Ол да буоллар, үгэс буолбут шампанскай остуолга баара бааламмат.

Дьиэни хайдах киэргэтэбит?

2014 сыл мас сылгы сыла буоларынан, дьиэҕэ мас сувенирдар, вазалар элбэх буолуохтаахтар. Остуолга мас кытыйалар, ойуулаах-бичиктээх хамыйахтар ууруллаллар. Саҥа дьыл киэргэлинэн мутукчалаах бонсай уонна ат боккуобата буолаллар. Ааҥҥа ыйаммыт чуораанчыктар кылыгырас чуор тыастара дьиэттэн дьайы дьалбарытыа, сылы быһа үтүө, сырдык бырааһынньык туһунан саната туруо.

Тугу бэлэхтиэххэ сөбүй?

Чугас дьоҥҥор бэлэх оҥоруу – Саҥа дьыл үтүө үгэһэ. Онуоха наһаа да сыаналааҕы буолбакка, тыыннаах фиалка, нарцисс, лилия сибэккилэри, сувенирдары, бэйэ оҥоһуга өссө бэрт, ис сүрэхтэн бэлэхтээтэххэ төһөлөөх үөрүүнү тосхойуой?!

 

Сылгы сылыгар кими туох кµµтэрэ

 

Ат сылыгар төрөөбүттэргэ үчүгэй сыл, астрологтар сылгыны үөрүгэр сылдьарыгар, ол аата ындыыны соҕотоҕун тардыбатыгар сүбэлииллэр.

Сылгы күтэри сөбүлээбэт, онон үбү-харчыны туттарыгар да, тапталга да сэрэхтээх буолуохтаах, доруобуйатыгар болҕомтону ууруохтаах.

Баабырга бу сылга барыта этэҥҥэ буолуо. Кинилэри туохха барытыгар табыллыы, ситиһии күүтэр.

Оҕуһу сылгы атыҥыраабат. Онон илиини араарбакка үлэлээтэххэ, бу сыл ситиһиини тосхойуон сөп.

Куобаҕы сылгы аймаҕа да диэтэллэр, бу сылга санаабытын сорҕото табыллыбатаҕына да көҥүлэ.

Эриэн үөннэргэ 2014 сыл барыта үчүгэй буолара бэйэлэриттэн эрэ тутулуктаах.

Бараан, кытай халандаарынан, сылгылыын өрдөөҕүттэн доҕордуу сыһыаннаах, онон киниэхэ кэлэр сылга мэччирэҥ да үчүгэй буолуо.

Эбисийээнэни араас моһол тоһуйуон сөп, онон барыга бары ымпыктаан-чымпыктаан, кичэйэн сыһыаннаһыахтарын наада,  саарбах дьону кытары ыксаласпаттара ордук.

Бөтүүккэ үчүгэй сыл: үбү-аһы да көҥүллүк туттуон, тапталга да табыллыан сөп.

Ыттарга ситиһиилээх сыл буолуоҕа, эрдэ туран-олорон, түргэнник сүүрэн-көтөн, хорсун буолуохтарын  эрэ наада.

Кабаннар тугу барытын ааҕан-суоттаан, наллаан дьаһанар биэнсийэлээх кырдьаҕастар курдук аа-дьуо, көрүнэн-харыстанан сырыттахтарына, барыта этэҥҥэ буолуоҕа.

АЛГЫСТААНА

31 декабря, 2013 Главные новости

Добавить комментарий

*