Норуот харчытыгар күүлэй

14 февраля, 2015 в 4:06
Глас народа

Дэриэбинэ — Правительство отчуота саҕаланна.
Ити кэрийэн республика үрдүнэн харчы ханна барбытын кырдьыгынан-сымыйанан отчуоттаабыта буолаллар. Оттон кытыы сытар кыра дэриэбинэлэргэ туох да социальнай тутуу, саҥа благоустроеннай дьиэлэр, гаазтааһын эбэтэр квартальнай котельнай курдук наадалаах объектар аны да сүүрбэччэ сылынан киириэ суохтар. Саха сирин олохтоохторо, эһиги дэриэбинэлэргит инники сайдар кэскиллэрин туһунан бэйэҕит санааларгытын үллэстэргитигэр ыҥырабын.

Алексеевна — Тойоттор тыа дьонун ньүдү-балай диэн сэнииллэрэ биллэр. Крутой массыыналарынан, сыаналаах таҥастарынан-саптарынан, тот көрүҥнэринэн боростуой тыа дьонун санаатын хам баттаан утары саҥаттарбат да буоллахтара. Онуоха эбии олохтоох тойоттор ыт курдук илин-кэлин түһүөхтэрэ буоллаҕа. Көрбүттээҕэр сэрэйбит ордук.

Хомусырыата — Тыа дьонун өйө-санаата уларыйан эрэрэ көстөр, биллэр. Былырыыҥҥы отчуокка элбэх хатыылаах ыйытык бэриллибитэ.

Түөрт Бүлүү тыата — Саҥа сүктэн кэлбит кыыс курдук, олоруҥ биһирэтэ кэлэллэр. Хата омук массыынатынан
Сылгыбытын-сүөһүбүтүн өйдөөн көтүттүннэр. Манна кэлэн да суохтан атыны билбэттэр, бу сырыыга кризис
диэн куотуналлара биллэр суол.
Ол дьонуҥ үксэ үһүнэн үөрэхтэрин бүтэрэн сыана быһары сирэллэр, биһирэнэ кэлэллэр. Тугу да туойдуннар, үүт үрдээбэтэ, төбө харчыта сотулунна, онон икки сыананы быһабын, миэнэ оннук.

Эрэл — Сыл аайы биир хатыланар. Былырыыҥҥы көрсүһүүгэ тугу туруорсубуккутун, онтон төһөтө туолбутун, ханнык стадияҕа сылдьарын хайаан да ыйыталаһыҥ. Протокол администрацияҕа баар буолуохтаах. Санаабыккытын этинэ сатааҥ, кытаатыҥ!

ПАВЛИНА — Норуот харчытыгар күүлэй, бэрт буолбуттан бэлэм ас, өссө эбиитин оччоҕо харчыны сиэбиккит диэтэхтэринэ, урааҥхай саха барахсан унаар-мунаар көрөөхтөөн (баҕар, уус саха аатыран ааттыын уларыйдарбыт хайаһар этибит) сиэбит диир буоллахтарына сиэбит буоллаҕым диэн баһын иһигэр баппат харчы ахсаанын ааҕа сатыы олордоҕуна, улуус тот тойоно күргүйдээн, үчүгэй сыананы биэрэн эмиэ быстарыах муҥа буолаахтыа диэн хомойуох эбитим дуу эбэтэр харчыга хараҕа хатаммыт аныгы булчут саха ахсаана аҕыйыыр суолун астынар быһыыта бу дуу диэн дьиктиргээн ылыам дуу, эбэтэр сыыһа суолу тутуһан эрэрин өйдүүр дьон элбээн эрэр, айгыраабат туһугар атыны тобулар баҕалаахтар сурук да суолугар көстөр буолан эрэллэриттэн үөрүөххэ дуу?

Саха — Бу правительства оччуотун биһиги, борустуой тыа дьоно, хайаан да туһаныах тустаахпыт.Үгүспүт аахайбат, ол — сыыһа! Бу сылга биирдэ эрэ бэриллэр түгэн!
Госсулууспалар, ил түмэннэр хамнастара, пенсиялара тоҕо куруук көннөрү норуоттан ордук, хас эмэ төгүл үрдүк буолуохтааҕый, норуоккутугар итинник кыһаллаҕыт диэн үөгүлэһиэххэ, кэлбиттэрин кэмсинэр, норуот суотугар ол норуотуттан ордо сылдьалларыттан саатар гына этиэххэ. Саҥарыахха наада, хас нэһилиэк аайы, оччуоттуур сирдэрин аайы! Хамнаһы үрдэттиннэр, пенсияны особо үрдэттиннэр. Пенсияҕа оройуоннай надбавканы эбии аахтарары туруорсуохха! Ону хайаан да туруорсан, дакаастаан олоххо киирэрин ситиһиэххэ! Хас нэһилиэк аайы сыл аайы итинник туруорустахпытына эрэ тугу эрэ ситиһиэхпит! Ытаабат оҕону эмсэхтээбэттэрин бары билэбит!
Түөрт Бүлүү тыата — Талахтаах көрсүҥ диэ, ону ол дьону хайдах да көрүс, туһа суох. Программаҕа киирбэтэххит тутуу барбат, манна буруйдаах талбыт нэһилиэккит баһылыга бытаарбыт диэн тумус соттон барааччылар. Быйыл тугу ситтибит, кыайдыбыт диэн арбаналлара буолуой, оннуктара суохха дылы. Химзавод тутан эрэбит диэхтэрэ уонна туох баарый?

777 — Сыл аайы 20-тэн тахсалыы киһи хоту оройуоннарга отчуоттуу көтөр, көтүү сыаната кэлэ-бара 42 тыһ. биир киһиэхэ. Ааҕан көрүҥ, төһөлөөх үп-харчы ороскуоттанарын, өссө нэһилиэктэргэ көтүөхтэрэ. Ол 25 киһи нэһилинньэ иннигэр олороллор, сорохтор айахтарын да атан көрбөттөр. Хата төттөрү көтөллөрүгэр бары илии тутуурдаах көтөллөр. Маннык практика тохтуох тустаах, ордук кризис кэмигэр.

Сахабын — Бэйэлэрэ биһи курдук кыра хамнаска олороллоро буоллар, олоххо, үлэҕэ да көрүүлэрэ атын буолуо этэ. Кинилэргэ ити отчуот эҥин диэн сымыйа, дьону албынныы эрэ кэлэллэр. Ис сүрэҕиттэн норуот туһа диэн үлэлиир депутат да, тойон да билигин суохтар.

Ылдьыыс – Дьиҥинэн, Правительство отчуота буолбатах, хонтуруола наада этэ. Нэһилиэккэ төһө харчы көрүлүннэ,
хайдах туһаныллыбытый? Нэһилиэк баһылыга олохтоох бэйэни салайыныы боппуруоһунан төһө дьарыктаммытый?

http://forum.ykt.ru/viewtopic.jsp?id=3563668&f=149

14 февраля, 2015 Главные новости

Добавить комментарий

*