НӨНҮӨҺЭ: Ханна көмөбүт?

5 июня, 2015 в 3:28
загружено

«Маамабыт өллөҕүнэ Күрүүкэпкэ көмүөхпүт, онно чуумпу сатыылыыр”.

Уолаттарым кыраларыгар от ыйын өҥүрүк куйааһыгар биир күн давлением булкуллан дэлби ыалдьан хааллым.

Саатар күммүт сырылатан уот куйаас. Сытабын. Колям соттор илитэн аҕалан сүүспэр уурда. Итинник гыныллыахтааҕын хантан билэрэ буолла дии санаатым да, ыйытар сэниэ суох буолла.

Уолаттарым аттыбар аан боруогар олорон кэпсэтэллэр. Коля ытамньыйар, маамабыт өлөн эрэр диэн. Улахаммыт Валик сөпсөһөн өлөн эрэр диэн бигэргэтэр. Саатар эми эбии испитим өссө бууса буоллум.

Чочумча буолан баран, Валик саҥата иһиллэр: «Маамабыт өллөҕүнэ Күрүүкэпкэ көмүөхпүт, онно чуумпу сатыылыыр”. Онтон Коля өр толкуйдаабыт киһи сиэринэн: “Ээ, суох уҥуор көмүөхпүт, онон малинаһыттар уонна бодобуостар ааһаллар”, — диэн саайда. Күлүөхпүн баҕа баһаам да, кыах суох. Өлөн баран олору көрө сытыахпар дылы.

Сотору таһынааҕы ыалбыт эмээхсин киирбитигэр өлөн эрэрим туһунан, ханна көмөллөрүн кытта дакылааттаатылар. Ыалбыт вызов ыҥырда. Кэлэн көрөн баран ханнык эми испиппин көрөн, мөҕөн өлөрө сыста. Давление түһэрдэҕэ буолан, таһаарар күүстээх эми сыалайдыы лабыйбыт эбиппин, түөрт гыммыт биирэ да миэхэ сөп буолуохтааҕа үһү. Укуолланан сотору бэттэх кэллим.

Уолаттарбыттан онно сөҕө да, күлэ да санаабытым, көмөр сири толкуйдаабыттарыттан.

 

5 июня, 2015 Главные новости

Добавить комментарий

*