Парижка айан: Аан дойдутаагы фестивалга бастаабыттар кэпсииллэр

27 апреля, 2014 в 12:41

Сааскы уһун өрөбүлгэ биһиги, Дьокуускай куорат 26 №-дээх оскуолатын 4 «Д» кылааһын үөрэнээччилэрэ, Европаҕа күүлэйдээн уонна аан дойдуга ыыталлар «Хрустальная лира» фестивалга үҥкүүлээн үрдүк ситиһиилэнэн кэллибит. Саха сириттэн хас да бөлөх, барыта 60-н тахса буолан сырыттыбыт.

Москваттан икки этээстээх улахан автобуһунан барбыппыт.

4.Парижка айан

Биһиги иккис этээскэ олорбуппут. Уопсайа аҕыс дойдунан айаннаатыбыт: Россия, Белоруссия, Литва, Польша, Германия, Бельгия, Чехия уонна Франция.

Францияҕа мин саамай сөхпүтүм диэн, Эйфелева башнята.

5.Парижка айан

Наһаа үрдүк, онтон телескобунан Париж куораты бүтүннүүтүн үөһэттэн көрүөххэ сөп. Киэһэ уота тыктаҕына олус кэрэ көстүүлээх. Музейга восковай фигуралары, Луврга араас дьикти хартыыналары көрбүппүт.

3.Парижка айан

Диснейлеҥҥэ сылдьан элбэх интэриэһинэй атракционнарга хатааһылаабыппыт.

Аан дойдутааҕы «Хрустальная лира» фестиваль сылы быһа буолар. Интэриэһинэйэ диэн, бу фестивалга улахан дьон эмиэ кыттар эбит. Саха сириттэн хас да үҥкүү, ырыа бөлөхтөрө бааллара. Онно биһиги икки үҥкүүнү толорбуппут уонна саамай үрдүк наҕарааданы ылан, Гранд-при кубогын тутан олус үөрбүппүт.

1.Парижка айан

Каникулбутун наһаа интэриэһинэйдик уонна туһалаахтык атааран астынан кэлбиппит. Биһигини, 15 оҕону, салайан илдьэ сылдьыбыт учууталбытыгар Варвара Михайловнаҕа, биһигинниин аргыстаһан көмөлөспүт төрөппүттэргэ: Татьяна Гаврильевнаҕа, Ольга Владимировнаҕа, Лариса Семеновнаҕа, үҥкүүгэ үөрэппит – Лена Ивановнаҕа уонна «Хикари» турфирма үлэһиттэригэр махталбытын тиэрдэбит.

 2.Парижка айан

Дьокуускай куорат 26-с №-дээх оскуолатын 4 «д» кылааһын үөрэнээчитэ Юра ИВАНОВ

 

27 апреля, 2014 Главные новости

Добавить комментарий

*