Сайдыы — олох күүһэ

16 января, 2015 в 2:04
Сайдыы олох терде

Нам улууһун ыччаттара Барнаул куоракка алтыс сылын ыытыллар тыа сирин сайдыытыгар аналлаах слетка баран уоппут атастаһан, бэйэбит үлэбитин сырдатан кэллибит.

Слет сүрүн сыалынан тыа сирин сайыннарыы тула кэпсэтии буолар.
Винокурова выступает
Тэрээһини РФ тыатын хаһаайыстыбатын уонна РФ экономическай сайдыытын министерстволара Алтаайыскай кыраай дьаһалларын тэрийиитинэн иилээн-саҕалаан ыытылынна. Слетка куруутун тыа хаһаайыстыбатынан дьарыктанар предпринимателлэр, специалистар, ыччаттар кыттыыны ыллылар. Нам уонна Өлүөхүмэ улууһун бастыҥ ыччаттара баран кыттыыны ыллыбыт. Секцияларынан араас элбэх кэпсэтиилэр уонна санаа, уопут атастаһыылара буолла. Ол курдук, Владислав Ушаков уонна Юлия Шергина ыччаты патриотическай өйгө-санааҕа иитиигэ туһуламмыт “Этнокультура народа саха”, Ньургуяна Кириллина “Голосообразование”, Ирина Большедворская “Экотуризм в Олекме” проектарын кэпсээн дьон сэҥээриитин ыллыбыт. Бу курдук, Саха сирин делегацията “Алмазы Анабара” хампаанньа тэрийэн ыытан үрдүк таһымнаахтык кыттыыны ылан кэллибит. Сахалыы таҥастаах сырыттыбыт, бэйэбит төрүт үгэспитинэн сахалыы ырыаны-тойугу толордубут.
Хомус
Маннык бүтүн Россиятааҕы тэрээһиҥҥэ сылдьан элбэҕи биллибит-көрдүбүт.
Кыргыттар
Элбэх интэриэһинэй дьону кытары көрүстүбүт. Алтаай кыраайын улахан бочуоттаах предприятиелаах дьонун кытары көрсөн, уопут атастастыбыт. Маны таһынан Нам улууһуттан тиийэн үөрэнэ сылдьар студеннары кытары көрсөн, ирэ-хоро кэпсэттибит. Национальнай культура киинигэр сылдьан саҥа тахсыбыт сахалыы кинигэлэри хааллардыбыт.
Намнар Барнаулга
Новосибирскай куорат ыччат дьыалатын комитетын “Родник”, “ЦСППМ” сыантырдар директордарын Владимир Кожемякины кытары көрүстүбүт.
Беседа
Бу бүтүн Россиятааҕы ыччат слетугар барарбытыгар үп-харчы өттүнэн көмөлөһөн ыыппыт “Алмазы Анабара” хампаанньа генеральнай директора Матвей Николаевич Евсеевкэ уонна салайааччы быһыытынан күүс-көмө буолбут Нам улууһуттан СР Судаарыстыбаннай Мунньаҕын норуодунай депутата Алина Романовна Винокуроваҕа,
Алина Винокурова
Нам улууһун дьаһалтатын баһылыгар А.П.Атласовка Нам улууһун эдэр ыччаттарын аатыттан улахан махталбытын тиэрдэбит.
Ю.Жергина, Нам улууһа.

16 января, 2015 Главные новости

Добавить комментарий

*