Саха сирин маҥнайгы алмааһа көстүбүтэ 65 сылыгар аналлаах ыһыах

15 июня, 2014 в 1:54

Бэс ыйын 14 күнүгэр Сунтаар улууһун Кириэстээх нэһилиэгиттэн төрүттээх Дьокуускай куоракка түөлбэлээн олорон дьон мустан, Саха сиригэр аан маҥнай алмаас таас көстүбүтэ 65 сылыгар аналлаах ыһыаҕы ытык сиргэ  ыстылар.

 

Килбиэн дьонноох Кириэстээх уһун-киэҥ устуоруйата 1949 сылтан алмааһы кытта биир ситимнэммитэ. Дьон олоҕун-дьаһаҕын ити түгэн тосту уларыппыта. Бөһүөлэк аата аан дойду оччотооҕу биир кэлим картатыгар Дьокуускайы кытта сэргэ киирбитэ. Кириэстээххэ Москубаттан быһа сөмөлүөттэр кытары көтөн кэлэр буолбуттара.

Куоракка былырыын саҥа тэриллибит биир дойдулаахтар түмсүүлэрэ бу сылы быһа үтүмэн үлэни ыытта. Бу ыһыах – кинилэр уонна нэһилиэк саламтатын, актыбыыстарын кыттыгас тэрээһинэ. Үлэ сүрүн түмүгүнэн бэлэмнэнэ сылдьар нэһилиэк устуоруйатын кинигэ буолуоҕа.

Кириэстээхтэр куораттааҕы түмсүүлэрин салайааччыта Петр НИКОЛАЕВ биир дойдулаахтарын уруйдуу-айхаллыы көрүстэ.

Петр Николаев

 

Ыһыаҕы сүрүннээччи – Кириэстээхтээҕи култуура киинин салайааччыта Августина ПЛАТОНОВА.

А.Платонова

Алмаас көстөөтүн үлэҕэ эдэр эрчиминэн кылаатын киллэрсибит, кириэстээхтэр тумус туттар ытык кырдьаҕастара, оччотооҕу Кириэстээх маҥнайгы тракториһыттан салайар үлэҕэ диэри үүммүт, нэһилиэк сайдыытыгар кырата суох кылаатын киллэрбит, билигин өрөспүүбүлүкэҕэ киэҥник биллэр фермер Михаил КОКОЛОВ ыраах Сунтаартан, Кириэстээхтэн анаан кэлэн алҕаата, аар айылҕаттан дьонун-сэргэтин туһугар уйгулаах олоҕу көрдөстө.

Коко алгыьа

 

Бэһис сылларын биир дойдулаахтарын ырыанан-тойугунан, үҥкүүнэн үөрдэр «КУСТУК» бөлөх (салайааччы Саргылаана НАМЫЛОВА, уус-уран салайааччы, хормейстер Розалия МАРТЫНЕНКО) ыһыах бастыҥ киэргэлинэн буолла.

Кустук

Алгыстаах оһуохай биир түөлбэлээхтэри биир иигэ түмнэ.

Оьуохай

Ылбаҕай ырыа, хомоҕой хоһоон, үтүөкэн үҥкүү бу бэлиэ күҥҥэ ананна.

Рита ыллыырУрун уцкууСеменовтар дуэттара

Кириэстээҕи көтөр дайар үрдүгүттэн түһэрбиттэрин паннота, Савва ГОЛЬДЕРОВ тылларыгар, Артур ЗАХАРОВ мелодиятыгар “Кириэстээҕим – мин дойдум” диэн уостан түспэт ырыа хайдах эрэ дойдуларыгар тиийэн хаалбыттарын курдук иэйиини сахта.

Панно

Бу күн өр сылларга көрсүбэтэх дьон биир түһүлгэҕэ түбэһэн, сэлэһэн, уруккуну-хойуккуну ахтыһан бэркэ астыннылар.

КылааьынньыктарЗоя МоисеевнаКириэстээхтэрКырдьагастар

Икки ытык кырдьагас

Саха таҥаһыгар, сахалыы оонньууга, оһуохайга күрэхтэргэ кыайбыттар өйдөбүнньүк бэлэхтэри тутан үөрдүлэр-көттүлэр.

Танаска кыттааччыларП.Петрович

Киирсиитустууга бастаабыттар

Саха сирин үрдүнэн аатырбыт оһуохай тылын этээччи Екатерина Агафонтовна СОЛДАТОВА кыра кыыһа Анастасия ийэтин аатынан анал бирииһи олохтоон Саргылаана Намыловаҕа туттарда.

Настя Куппур

Былырыын күн сириттэн күрэммит эбэтин суолун хатарыах сиэнэ кыыс оһуохай түһүлгэтиттэн арахпата. Ити курдук, талба талаан көлүөнэттэн көлүөнэҕэ бэриллэр.

Ыстапаан таьаарар оьуокай

Кириэстээхтэр былыр да, быйыл да үтүө бэйэлэринэн, үлэһит бэрдэ буолалларынан, айар-тутар талааннаахтарынан аатыраллар. Ити сиртэн силис тардан сириэдийэн бүтүн Сахаларын сирин аар-саарга аатырдыбыт ааттаах-суоллаах дьон үгүс. Элбэхтэн аҕыйаҕы ахта түһэр буоллахха: Алквиад ИВАНОВ, Иннокентий СЕМЕНОВ, Яков СЕМЕНОВ уо.д.а.

Кэнсиэри кребут

Кириэстээх – улуу умнуллубат устуоруйалаах, киэҥ кэскиллээх үтүө-мааны дойду буоларын бу түһүлгэҕэ мустубут дьоно даҕаны кэрэһилиир.

 

15 июня, 2014 Главные новости

Добавить комментарий

*