Саҥа кинигэ: Уһук УЙБААН санаатын утахтарын төрдүс тутума

3 мая, 2014 в 4:20

Бу күннэргэ «Алтан Сэргэ» хаһыат биир сүрүн, бастыҥ ааптара Иван Михайлович ПОПОВ – Уһук УЙБААН «Санаам утахтара» диэн биир ситиминэн таһаарар ыстатыйаларын хомуурунньугун үһүс кинигэтэ, ол аата төрдүс тутума “Дани-Алмас” ХЭТ иһинэн бэчээттэнэн таҕыста.

Хаһыат дала киэҥ курдук да, күннээҕи көстүү тиһигэр киирсэринэн, суруллубуту хат таҥан, эттээн-сииннээн кинигэ гынар оруннаах. Аныгы суруналыыстар ол да иһин айбыттарын хомуйа тардан кинигэ оҥорорго кыһаллаллар. Оттон Уһук Уйбаан итинник олохтоохтук дьаһаммыта син ыраатта. Ыстатыйаларынан эрэ муҥурдаммат. Кини айар ыыра киэҥ.

Уьук.КнигаУьук.Олох барахсан

Онто хаһыакка хабыллыбакка быһа кинигэ буолан ааҕааччытын булар.

Бу кинигэҕэ Иван Михайлович элбэх публицистическай суруйуута киирбит. Кини буола турары сырсан, ону хоһуйарынан муҥурдаммат. Киниэнэ тус санаалаах, туустаах, туспа туһаайыылаах. Күннээҕиттэн омсолооҕун чуо ыйан баран, үйэлээххэ үктэннэрэр, киһи санаатын оонньотор, туох эрэ түмүктэри оҥортор ааптар.

168 сирэйтэн турар «Санаам утахтара» кинигэ төрдүс тутума 150 ахсаанынан бэчээттэннэ.

Хойохтооҕу хостоһон

Хоруотаһар диэйэҕин,

Хайҕаһартан халыйан

Хайдах баарын этэбин. 

                     Уһук УЙБААН.

3 мая, 2014 Главные новости

Добавить комментарий

*