Суоллар араастар…

19 января, 2015 в 7:44

Олох уһун суолун устун
Айанныыбын күн ахсын,
Көрсөр араас мэһэйдэри
Тумнубакка дьүккүйэбин.

Ыырым араас – суолум мунаах
Ыллык аайы буомнардаах,
Түһүү-тахсыы – аартык ыраах,
Ылбат-биэрбэт аналлаах.
Дорога в поле
Туора-маары арыт сүүрээн
Тиийэр сирбин тэйитэбин,
Сииккэ сиэлэн, хаарга хааман
Кураанаҕы кууһабын.
Дорога ввысь
Арыт тохтоон, алыс аараан
Көргө-нарга улдьаарабын,
Көлдьүн суолу халтай кэтээн
Күммүн, чааспын сүтэрэбин.
Куьунну суол
Тойон-хотун тумсун дуйдаан
Туһанары сатаабаппын,
Эрбэх үөһэ эргичийэн
Эккэлииртэн сиргэнэбин.
Разде.полоса
Албын киһи кэнтик уурбут
Айатыгар түбэһэбин,
Аатым баран, соргум сууллан
Алдьаас киһи аатырабын.
Табагага суол
Ол да буоллар күн-дьыл араас –
Одун санаам уҕараабат,
Халлаан үрдүк, саҕах ыраас –
Халыан дууһам харааннаабат.
Туман
Бэйэм талбыт суолбун тутан
Баран иһиэм, тиийэн тэйиэм
Ымыы гыммыт ыра санаам
Ыран тиийэр ырааҕыгар.
Чуумпу суол
Илья ЗВЕРЕВ.

19 января, 2015 Главные новости

Добавить комментарий

*