Уйулҕаана: Билинии

13 июня, 2015 в 8:13
загружено (4)

Мин эйигин

Өтөрү-батары көрөбүн:

“Мин эйигин

Өлөрдүү абааһы көрөбүн!».

Итинник этэбин

Иккиэйэхпитигэр,

Ичигэс дьиэ иһигэр

Имэҥирэн имэриттэрэр,

Илбиһирэн иирэ дьигиһийэр,

Иэним иэйэр кэмигэр.

Дьиҥэр, дьэбидийэр

Дьэбир чахчыбар,

Дьэрэкээннирэ дьиэгэнийэр

Дьыбардаах ахсым дьылҕабар

Дьолум эдэр сулуһаҕын,

Дьылҕам бэлэҕэ буолаҕын!

Сылаас удьурхай түөскэр

Сыста сытар түгэммэр:

«Сымара таастыын

Сылласпыттыы сананабын!» —

Диэммин дьээбэлэнэбин.

Дьиҥэр, эйигин

Эдэргин эрэммэппин,

Эйиэхэ тэҥнэспэппин

Эппинэн-хааммынан

Эндэппэккэ билэбин…

Бэйэҕэр эппэккэбин,

Биллэрбэккэ эрэбин

Күүдэпчилэнэ таптыыбын,

Күнүүлүү ахтабын!

Ону эн билбэккин,

Оломмун кэспэккин…

Аҕынным, кэл, кууһуом,

Аҕылыы ууруом!

Сэрэйдэххинэ – эрэй,

Сэрэйбэтэххинэ – кэһэй.

13 июня, 2015 Главные новости

Добавить комментарий

*