Уус алданнар чел ологу талаллар

31 марта, 2014 в 6:29
Все

Кулун тутар 28 күнүгэр Уус Алдан улууһун киинигэр Бороҕоҥҥо 21 нэһилиэк кыттыылаах «Арыгыта суох чөл олох уонна скандинавскай хаамыы» диэн улахан фестиваль ыытылынна.

Фестиваль маҥнайгы түһүмэҕэ бары нэһилиэктэринэн оскуола оҕолоругар ыытыллыбыта. Түмүктүүр тэрээһин бу күн буолла. Бороҕон олохтоохторо бу сонун тэрээһини олус сэргээн бары биир киһи курдук паалкалаах хаама таҕыстылар.

Сканд ходьба

Фестивалы УусАлдан улууһун баһылыга Алексей ФЕДОТОВ, оройуон Сэбиэтин депутата, спорт, дьиэ кэргэн уонна эдэр ыччат бастайааннай хамыыһыйатын бэрэссэдээтэлэ Леонид СЕРГЕЕВ, аан дойдутааҕы чөл олох Академиятын профессора, педагогическай наука кандидата Матвей ЛЫТКИН көҕүлээн, сүрүн үлэни оҥордулар.

«Мин доруобуйаммин бэйэм илиибэр» девизтээх скандинавскай ньыманан маассабай хаамыы буолла. Тэрээһин кыттыылаахтара өҥнөөх футболкалары кэтэн нэһилиэк киин уулуссаларынан хааман дьон болҕомтотун тартылар.

Старт

Фестиваль чэрчитинэн «Арыгыта суох чөл олох— УусАлдан инникитэ» диэн тиэмэҕэ төгүрүк остуол буолла. Манна кыттыбыт дьон арыгы дьаат уонна наркотик буоларын ыйан туран, үүнэн эрэр эдэр көлүөнэ ыччат инникитин кэҕиннэрбэт сыалтан арыгынан эргинэр биирдиилээн тэрилтэлэргэ уонна урбаанньыттарга УусАлдан улууһугар арыгы атыытын букатын тохтоторго диэн модьуйар ыҥырыы ылыннылар.Кулун тутар 28 күнүн Саха Республикатын дьонугар-сэргэтигэр скандинавскай хаамыы күнүнэн биллэрэргэ ыҥырдылар.

31 марта, 2014 Главные новости

Добавить комментарий

*