Хаҥалас сиригэр Олоҥхо ыһыаҕа

21 июня, 2014 в 2:18

Бэс ыйын 20-21 күннэригэр күнүгэр саха омук ытык сиригэр Эркээни хочотугар Орто Дойду диэн аатынан биллэр сиргэ хотой айыылаах хаҥыл хааннаах хаҥаластар Олоҥхо ыһыаҕын ыстылар.

Саха аатын аар-саарга аатырдыбыт улуу олоҥхобутугар анаммыт ыһыахтары ыытар ытык иэс сылын аайы атын-атын улууска сүктэриллэр. Быйыл хаҥаластар саха дьонун түмэр, биир тыынныыр соругу ылынан улахан тэрээһини ыыттылар.

Удачное.Ханыл хааннаах ханаластар атынан

Быйылгы сылбыт култуураҕа анаммытынан саха саныырын барытын сатаан туһаннылар, омук уратытын бүтүннүүтүн бу сүдү оонньууга көрдөрдүлэр.

Алгысчыт уеьэттэр туьэр

Ама да барыга бары итэҕэһи-быһаҕаһы, сыысхалы эрэ көрдүү сатаабыт иһин, хаҥаластар ыһыахтара далааһынынан сөхтөрдө. Күнэ итиитигэр ким буруйдаах үһү. Массыына тохтобула тэйиччитэ улахан моһол үһүө.

Автобусы

Массыына тыына тиийбэт, быылы-буору өрүкүппэт буолан, кимнээҕэр сүпсүлгэнэ суох, чэбдиктик ыһыахтаатыбыт. Оттон былыр ыһыахтыахпыт этэ диэн алаас-алаас аайыттан биир түөлбэҕэ мустаары хас эмэ көстөөх сири туос сатыы хааман кэлэллэрэ ини.

Аһыыр сир тэйиччи, туспа диэн муннуларын анныгар ботугуруур дьон баара да, ыһыах ытык соругун толорорго туспа сир баара ордук. Чалбараҥ, атыы-эргиэн биир сиргэтэ бэрт курдук.

Итинник кыраны да күүркэтэн, ыһыах маҥнайгы күнүгэр ким эрэ ити итэҕэстэринэн сирэйдээн бүтүн улуус саламтатын саралаабыт аатырбыт этэ. Устунан тойону-хотуну барытын хаарыйбыттара. Ол сонун буолан биһиэхэ бэркэ сөп түбэспит ватсабынан тарҕана охсубута.

Биир бэйэм сураҕырбыт Сунтаар ыһыаҕын суохтаппат тэрээһин дии санаатым. Бу тухары тулуйан көрбөт идэлээх ыһыах аһыллыытын баһыттан атаҕар диэри көрдүм-иһиттим.

Ким оһуокайы ордорор, ким атах оонньуутун сэргиир, ким түүнүн сөрүүҥҥэ үҥкүүлүөм этэ диэн бүөм санаалаах, ким күнү көрсөр күүс-уох ылынар соруктаах. Ол эрээри ыһыах сүрүн суолтата – алгыһыгар, үрдүк айыылартан үҥэн-сүктэн биир төгүрүк сылы туораан күөххэ үктэммит үөрүүбүтүн уһаталларыгар көрдөһөргө, сиэр-туом толоруутугар буоллаҕа. Артыыс толорбут алгыһа диэн аахайбат, улуу туомҥа улахан суолтаны уурбат, барытын оонньуу-көр, испэктээк эрэ курдук ылынар кэмнэрбит да бааллара. Кэлин ол кэмэлдьи сүтэн, дьон ыһыахха дьулуһар.

Ким отуттан тахса кыраадыстаах итииттэн саллан, аҕыйах биэрэстэни сатыы хаамыан сүрэҕэлдьээн Орто Дойду Олоҥхотун ыһыаҕар сылдьыбатах мин харахпын уларсан, хаартыскаҕа хабыллыбыт түгэннэринэн ити ыһыахха кыратык да сылдьыбыт саҕа сананнын.

 

Алгыстаах аартыгынан арчыланан ааһабыт.

Алгыстаах аартык

Улуус-улуус аайыттан ытык ыалдьыттар.

ОройуоттарУлусныеУлуустартан дьонНьурба баьылыга ПоповОройуоттар. Нуучча дьахтара

Итииттэн киинэҕэ устар тэрил кытары итииргиир.

Сахафильм камера от солнца сабыылаах

Хаама сылдьар реклама. Биир кыыс хата көхсүгэр хаартыскаҕа түһэрэбин диэн рекламатын сүгэ сылдьара.

Креативная реклама

Кимиэхэ бырааһынньык, кимиэхэ үлэ. Тэрийээччилэр төһө эрэ тириттилэр-хоруттулар, кыттааччылар төһө эрэ бустулар-хаттылар. Ол барыта, этэргэ дылы, каадыр кэтэҕэр хааллаҕа. Каадыры таҥааччылар, хартыыҥка иһигэр киирээччилэр, сурукка тиһэн аһааччылар да үлэлэрин үгэнэ буолла.

НВК комментируетКамеры наготовеСтолько камерКрутой оператор

Суола да үчүгэйэ дьикти этэ. Саамай сүрүнэ – Үс Хатыҥҥа барарга курдук пробка суоҕа.

Новая дорога

Сырылатан түһэн уот куйаас. Күлүк сир былдьаһык, оттон уу дьол. Сорохтор бейсболкаларыгар толору уу бастан баран кэтэн кэбиһэллэр.

Удачное.Кулук былдьаьыкУДАЧНОЕ.ЖАРА.ВОДА

Дьон тулуйан олорон ыһыах аһыллыытын кэтэһэр.

Люди ждут начала

Кэмигэр саҕаланар.

Алгыс сагаланан эрэрАлгысчыт уеьэттэр туьэрАлгысАлгысчыт дэйбиирдээхВрио с женой

Бас-көс дьону чорботуу, тумулук туттуу ыһыахха өтө көстөр. Ил Дархаҥҥа дураһыйар, аҕа баһылык эбээһинэһин быстах кэмҥэ толорооччу Егор Афанасьевич Борисовка болҕомто уһулуччу. Кини кэргэнинээн ураты дьоннор олорор сарайдаах сиргэ ааһаллар. Кинини Хаҥалас улууһун баһылыга Юрий Зайцев арыаллыыр. Православнай итэҕэли тиэрдэр дьон саппай уопсан иһэллэр, хара таҥастара харахха быраҕыллар.

БЕА кымыс иьэр

Сүүһүнэн камера кинини уонна кини эргимтэтин кыраҕатык кэтиир, хас хамсаныытын устар, хас тылын устар хараҕар хатыыр.

Ол сиэринэн мин даҕаны харахпын маҥнайгы нүөмэрдээх киһиттэн араарбатым. Устар дьон, охрана быыһынан кыбыллан хаартыскаҕа хабан истим.

БЕА с супругой кумыс пьют

Саха бастыҥ бырааһынньыгар ытык ыалдьыт Орджоникидзе кытары биир-икки тылы сахалыы этэ сатаата.

Приветствие Орджоникидзе

Хаҥалас улууһун баһылыга, көрдөххө тоҥ нуучча, Юрий Зайцев эҕэрдэтин сахалыы саҥаран соһутта. Онтон эрэ нууччалыы саҥарда.

Приветствие врио и других

Оттон Ил Дархан буоларга дьулуһар Егор Борисовпыт бар дьонун кумааҕыттан ааҕан маҥнай нууччалыы, онтон эрэ сахалыы уруйдаата.

Удачное.БЕА читает с бумажки

Ил Түмэн спикерэ Александр Жирков эрэ наар сахалыы саҥарда, өйүттэн аттаран уоттаах-төлөннөөх тылы эттэ.

Итии ити кэмҥэ сүрдэнэр. Хахха да быыһаабат, зонтик да көмөлөспөт, бэргэһэ да бүөлээбэт. Ыһыах аһыллыытыгар кыттар оҕолор уҥан скорайдаммыттар үһү. Кинилэр миигиттэн ыраахтан. Миэхэ Егор Борисов эрэ көстөр. Кини оннугар төннөн иһэн иҥнэн дуу, хайаан дуу охто сыспытын эр бэрдэ Юрий Зайцев уонна охрана уола тутан ылан абыраатылар.

УДАЧНОЕ.БЕА чуть не упал

Бу кэннэ баһылык эбээһинэһин быстах кэмҥэ толорор киһибит тустууга барбыт сурахтааҕа. Сорох биир ыһыаҕынан сөп буолан өрүтэ тыыныы бөҕөтө. Мин тойоттор тулуурдарын уруккуттан сөҕөбүн. Тойон-хотун буолуу сыанан аҕаабат.

Биир күдьүс барар оонньууга (?) кыттааччылар таҥастара чаҕылхайа дьикти.

Золотые с чороном

Сахалыы диэҕи эмиэ атын, сонун.

Золото от куегэ

Ордук көмүс парча бүтэй таҥастаахтар элбэхтэрэ. Кинилэр Аал Луук мас мырааҥҥа сыбыы тутуллубутугар өрө сүүрэн тахсыбыттара.

Удачное.Золотые на горе

Несчастные дети в парче с чороном

Кэлин ол сиргэ ыттан көрбүтүм – саҥа мас сыралҕана дьикти.

Удачное.Ере дабатар кирилиэс.Таастар

 

Парча иһигэр отут үс кыраадыспыт хас буолбута биллибэт. Ол да иһин уҥнахтара. Арыт ыһыахха аһара тымныйан солкоҕо сууламмыт кыргыттар ыбылы тоҥор буолаллара. Бу сырыыга буһуу-хатыы. Ол эрээри сорох-сорохторо кимнээҕэр «одухотвореннай» сирэйдээхтэрэ.

Удачное.Девушка в парче с чороном

 

Үҥкүүһүттэр да итииттэн иитиллэр курдук илбиһирэн ылаллара.

УДАЧНОЕ.Хара ат уолУдачное.Хотойдор

Удачное.Урун ат

Удачное.ПанорамаУдачное.Панорама другаяАнтошка в небе

Удачное.Суруктаах таасУдачное.Сыгынньах уолаттарУДАЧНОЕ.Оттоох вышка

Алгыс баһа сыаланан, этэр тыл иччилэнэн Аал Луук мас сириэдийэ үүнэн, чэчирии тиллэн кэллэ ини.

Олоҥхо ыһыаҕа саамай уһун күнү уонна саамай кылгас түүнү кытары сөп түбэһэн, саха сиэринэн аламай маҥан күнү көрсөн, күүс ылыы туома ыытылларыгар киһи бөҕө кытынна.

Люди ждут солнце

Күн мыраан кэтэҕиттэн арыый хойутаан тахсарын тулуурдаахтык кэтэстилэр.

Куну керсуу

Таах да солуобатыгар турааччылар, күлсээччилэр да бааллара.

Одноклассники

Илиилэрин күн диэки туһаайбыттардааҕар хаартыскаҕа түһээччитэ уонна түһэрээччитэ үгүс курдуга.

Уеьэ кытта туралларСытан эрэ керселлер

Ыһыахтаан баран сынньанан кэлбит киһи көрдөҕүнэ – үргүлдьү ыһыахтаабыттары биир түмэр, кинилэр бары кып-кыһыл харахтаахтар. Биир түүнү утуйбакка аһарбыт туох буолуой, ол оннугар сылы быһа иитиллэр эньиэргийэҕин ыллаҕыҥ.

Былыргы дьыллар мындааларыттан кэлбит сиэр-туом син биир кэм киэбин кэтиһэр, дьон хайдаҕын батыһар.

Илиилэрин ууммуттарАлгысчытАлгысчыт арыалдьыттарКун быктаКун тагыста

Күн тахсаары аҕай гыннаҕына сэргэҕэ бааллан турар сылгылар кистээн бараллар.

Урун сылгы.СэргэСэргэни кууспут кыысАар багах

Күнү көрсүү туома алгыстаах оһуокайынан түмүктэннэ.

Алгыстах оьуокайОьуокай сагаланарОьуокайга

Ыһыах ыһыллар ытык күнүн кытары толору сөп түбэспит Олоҥхо ыһыаҕа дьиҥ ыһыах аатын ылара дуу?

Навстречу солнц по дороге

Ыһыахпыт да элбэҕэ.

ЧЭГДЭ

 

 

 

 

 

 

 

 

 

 

 

21 июня, 2014 Главные новости

Добавить комментарий

*