Суруйбут аатын ылаары: Кинигэ төрөөбүт күнүгэр

4 июня, 2014 в 23:57

Өссө биир оҕо сааһым сорҕотунан буолбут кинигэ төрөөбүт күнэ  буолбут эбит.

Ол Гарриет Бичер-Стоу «Хижина дяди Тома» диэн романа. Бу олорон санаатахпына, оҕо сааскар сөбүлүүр кинигэҥ ойуута-бичигэ улахан оруоллаах эбит. Дьүөгэм биһикки оонньуур оҥостор кинигэбит бэрт сиэдэрэй ойуулардааҕа. Итинник аан дойду үрдүнэн аатырар ааптардар кинигэлэрэ эмп курдук биирдэ-иккитэ эрэ тахсыбат, ханна-ханна, хаста-хаста бэчээттэнэрэ өссө биллибэт ээ. Холобур, Валентин Катаев «Соҕотох баарыс туртаҥныыр» диэн сахалыытын ордук саныырым. Дьиҥнээх нууччалыытын кэлин ааҕарбар атыҥыраан бөҕө. Сахалыытын ойуута-бичигэ өҥө суох да буоллар, миэхэ ордук чугас этэ.

Хижинабыт устуоруйата уһун-киэҥ эбитин эмиэ кэлин билбитим. Айымньы хос суолталаах, баай тыллаах-өстөөх, уобарастардаах, идиэйэлээх, сырдыкка-үтүөҕэ угуйар өрүттэрдээх буолуохтаах дииллэр да, мин кинигэни ылынарым атын төрүөттээх курдук. Бу миэнэ диэтим да бүтүүкэтэ. Тоҕотун, ким суруйбутун, хайдах суруллубутун ымпыктааһын диэн ол сахха суоҕа.

Онтум бу кинигэ туһуттан бүтүн гражданскай сэрии саҕаламмыт эбит. Кулуттааһыны утары хамсааһын. Оттон миэхэ кинигэ дьоруойдарын ааттара оҕо сааһым дьоллоох түгэннэрин санаталлар – Шелби кулута негр Том, Гарри уол, кини ийэтэ Элиза, аҕата Джордж Гаррис, Огюстен Сен-Клер, кини кыра кыыһа Евангелина кыыс оҕо уонна да атыттар.

Саатар кинигэни хос санаата, тус сыала, күһэлэҥэ суох ааҕар кэмнэр этилэр.

 

 

                                                

                             

 

 

 

4 июня, 2014 Главные новости Культура

Добавить комментарий

*