Чулуу дьоммутунан киэн туттаргытын туоһулааҥ!

17 ноября, 2014 в 2:03
Наумов

Автор: Ньукулай: Кыбартыыра эмиэ биэрбэтэхтэр! Сир саарын эргийэ сүүрдэҕинэ табыллыыһык быһыылаах, оччоҕо, баҕар, ыһыктыахтара эбитэ дуу. Бүөтүр эрэйдээх төһө эрэ хомойдо.

Tkktq: Правительстволар буолар-буолбат үлэhиттэригэр буор-босхо (безвозмездно) квартира биэрэллэр. Оттон бу 1 группалаах инваликка по зрению сокуонунан даҕаны квартира бэриллиэхтээх буолбатах дуо?

Мин: Чиновниктар бэйэ-бэйэлэригэр кыһыл көмүс чаһынан бырахсаллар. Дьаабы тойотордоох республика.
Оннук: Инвалид киһи сүүрбэтэр да ылыахтаах этэ буоллаҕа, квартира. Саарбах тойоттордоохпут, дьэ. Киһи хомойор.

Чаархаан: Инвалидтарга квартира федеральнай сокуонунан бэриллэр — Саха сирин правительствота онно наадыйбат.

Һөдүөт: Ээ, па, ол Ноуумаппыт кыбартыыра эрэ иһин сатыы саллаҥнаабыт эбит дуу? Ол кинини бырабыыталыстыба тэрийэн ыыппатаҕа буолуо дии. Бэйэтэ көрүлээн, биллэ-көстө сатаан сырыттаҕа. Хас киһи төбөтүгэр туох көтөн түстэҕин аайы кыбартыыра биэрэн истэхтэринэ, киһи бары сатыы аан дойдуну эргийэбит диэн араас моһолго түбэһэн, ол быыһааһыныгар үп бөҕөтө ороскуоттаныа дии. Аны илиилэринэн хааман бара сатыахтара.

Биллэрчэй: Сахабыт сиригэр Дархаммыт инбэлииттэри албыннаан сокуон таһааран турар. Маннааҕы инбэлииттэргэ дьиэ биэрбэттэр, ол оннугар социальнай дьиэ биэрэллэр. Инбэлиит өллөҕүнэ, кэргэнин, оҕолорун таһырдта быраҕаттыыллар. Дьэ, сүрдээх быһыы буолбатах дуо? Бу инбэлииттэр туох буруйдаах үһүлэр, ыалдьар дьон. Дарханы бэйэтин оннук дьиэҕэ укпут киһи баар ээ. Тотон ыалдьар дьону аһыммат.

Тускун: Гуляев соччо сэҥээрбэтэх көрүҥнээх хортуон грамота, чаһы биэрэн турар. Улахан эбит диэбиттии туттубут.

Туос: Итиччэ айылаах спорду, күүстээх санааны пропагандалыы бүтүн дойдуга итинник дьоннордоох Саха сирэ диэн көрдөрө сылдьар киһиэхэ 1 хостоох квартира биэриэ да этилэр. Ол кыаллыбат буоллаҕына, саатар син сыанатын 3/1 төлүүр жил.сертификат эҥин. Дьэ, булан этэҕит ээ, дьон барыта сүүрүө диэн. Итинник сүүрэр доруобай да киһи суох быһыылаах. Ыллыҥ да сүүрбэккин ээ. Кини квартира аайы сүүрэ сылдьыбат киһи, кини олоҕо итинник, спорт олох патриота.

Быйанг: Санаатыҥ да, куораттан куоракка диэри, дойдуттан дойдуга диэри сүүрэр спорт буолбатах. Спорт диэн — куоталаһыы, күрэхтэһии.
Оҕонньор кытаанах санаатын көрдөрбүтүн дьоҥҥо сырдаппыттар, бэлэх биэрбиттэр. Онтон ордугу тугу гыныахтарай?

Чаархаан: Дьоннору кыбартыырнай боппуруос буорту гыммыт. Чэ, оччоҕуна, Ленаны бастакы мууһунан туораабыт киһиэхэ эмиэ кыбартыыра биэрдиннэр, куораты сатыы түүн хааман туораабыкка эмиэ, паромунан бу күннэргэ туораабыттарга эмиэ кыбартыыра, дьоһун саас форумҥа саамай элбэҕи суруйар киһиэхэ эмиэ кыбартыыра… Ыйга учаастак биэрбэппит да? Бэйэтин иннигэр сүүрдэҕэ эбээт. Ким кинини күһэйбитэй?

Айисена:Петр Наумов күүстээх санаатыгар, сүдү кыаҕар сүгүрүйэбин. Сороҕу инбэлииккин (тьфу3) диэтэхтэринэ, суорҕаҥҥа сууланан баран сытынан кэбиһэр кыахтаахпыт. Манна монитор эрэ нөҥүө хорсуммут, хоодуоппут. Ыаллыы дэриэбинэҕэ сатыы баран кэл диэтэхтэринэ, кыбартыыра биэрэргит буоллар иҥсэбитигэр ылсан көрүөм этэ диэхпит. Баҕар, тиийиэхпит, төннөн кэлэрбит саарбах.
Петр Наумовка дьолу-соргуну, доруобуйаны, суолгар эрэллээх, үтүө санаалаах, аһыныгас эрэ дьон көрүстүннэр.

Быйанг: Кыахтаах буолан сүүрэр буоллаҕа дии, инбэлииттэр дьиэлэрин иһиттэн көмөтө суох кыайан тахсыбат дьоннор элбэхтэр.
Оннооҕор доруобай аатырар дьоннор оччону сатаан сүүрбэттэр. Доруобуйата үчүгэй буолан сүүрэн эрдэҕэ.

Тыачаана: Туох ааттаах кыбартыыранан кыһарыйан хааллыгыт. Киһини кыбыстыыга киллэрэн. Итиччэ дойдутун аатырда сылдьар киһи эһиги ол-бу диэн суруйаргытыттан хомойоро буолуо диэн өйгүтүгэр да оҕустарбаккыт. Салайааччылар да тугу эмэ толкуйдаатылар ини. Христофорова да итини таах хаалларыа суоҕа.

Сонун: МСЭ — медико социальная экспертиза Бүөтүрбүүн көрөр эбит диэн 2 группа гыналлар үһү. Билигин государствоттан пенсия ылааччы элбээтэ диэн инвалидтары аҕыйата сатыыллар.

А.Гаврильева: Ким төһөнү биэрэринэн хомуйдахтарына бэрт буолуох этэ. Хас биирдии киһи 50 солк. даҕаны биэрдэҕинэ, син балай эмэ үп мунньуллуох эбитэ буолуо… Биир бэйэм биэриэм этэ. Наумов бу сыллар устата бэлэм харчыга тиргиллэ сылдьар спортсменнар, тренердэр даҕаны ситиспэтэхтэрин ситистэ. Хас биирдии Россия таһымнаах спортсмен дьиэнэн -уотунан хааччыллыбыта сымыйа буолбатах буолуохтаах.
Аны инвалидноһын хайдах уларыталларый? Харах төһөнү көрөрүнэн уонна көрбөтүнэн дьүүллэнэр буолбатах дуо? Ол кини атаҕа сүүрбүтүгэр хараҕынан көрөрө тупсан кэлбит дуо?

Эрчим: Дьыала Бүөтүр инвалидыгар буолбатах, дьыала саханы аатырда, сэриигэ саха омук кытта кыттыбыта диэн омуктарга кэпсии сылдьарыгар. Ол дьон төһө эрэ сөхтүлэр, 80 киилэлээх тэлиэскэлээх саханы көрөн. Ил Дархан тустууктарбытын кытта көрсөр дии, Бүөтүр кинилэр саҕа баар ини.

Тайгер: Ол акцияны ыытар буоллаххытына, киэҥ далааһыннаахтык Саха сирин бүттүүнүн үрдүнэн бардаҕына кыаллар. Уонна уһуннук, Кыайыы күнүгэр диэри Наумов дьиэлэнэрин курдук. Ол буолуо этэ, Сомоҕолоһуу буолуо этэ. Омук быһыытынан бэйэ-бэйэбитин өйөһөрбүт көстүө этэ. Уонна ол Наумов бэйэтин анал счетугар киирэрдин. Холобур, телефон счетуттан обналичивайдыыр, уһулар кыахтанарын курдук. Киһи бары телефоннаах. Телефонтан телефонҥа ким баҕарар быраҕыа. Бу ватсаап үйэтигэр.

ХарысхаанХ: Наһаа ыксаамыаҕыҥ, көтүмэх курдук буолумуоҕуҥ, аһара тиэтэйимэҥ. Кэлэр саас, онто да суох Улуу Кыайыыны көрсө квартираны биэрэллэр ини. Барыта олохтоохтук, оруннаахтык толкуйдана сылдьар буолуохтаах. Инбэлиит барыта итинник сүүрбэтэ биллэр! Чурапчы кытаанаҕа буолан, киһи киэнэ чиргэл иҥиирдээҕэ буолан, былыргы Чурапчы күүстээхтэрин сыдьааннара буолан сүүрээхтиир. Көрөрө буоллар, хас да көрүҥҥэ маастар буолар кыахтаах улуу саха! Уонна харах көрөрүн чөлүгэр түһэрэр лазернай операцияҕа аныыллара Бүөтүргэ көмөлөһүө эбитэ дуу? Аан Дойдуну ыраастык көрөртөн ордук дьол суох ини.

Дайаана: Бүөтүр Наумов саха дьонун иннигэр үтүөтүн-өҥөтүн өйдөөн көрбөт эбэтэр өйдөөбөт буола сатыыр салайааччыларбыт, чахчы хорсун быһыыны көрдөрө сылдьар киһигитигэр иннигитинэн эргийэн сөптөөх сыананы биэриҥ, норуоккут иннигэр итинник дьоҥҥутун өрө тутаргытын, ытыктыыргытын көрдөрүҥ! Чулуу дьоммутунан киэн туттаргытын туоһулааҥ! Оннооҕор атын куораттар губернатордара суолта биэрбиттэр, биһирээбиттэр, ытыгылаабыттар. Оттон эһиги?!.
http://forum.ykt.ru/vie

17 ноября, 2014 Главные новости

Добавить комментарий

*