ЫМЫЫ

15 февраля, 2014 в 12:34
Зимняя красота

Алтан Сэргэ уонна Дьо´ун Саас

Кы´ы²²ы айыл±а

Кэрэҕин даҕаныы…

Кыһыҥҥы айылҕам —

Кылбаара унаарар

Кыыс тунал урсунуҥ.

 

Кырыалаах лабаалар

Кылбаҕар оһуордар —

Кыраһа бүрүнэн,

Кыырайа көппүттэр…

Харыйа хаар

 

Кылдьыылаах алааһым

Кыҥнаҕар ньууругар

Кыталык хатыҥнар

Кыс хаарга саспыттар.

 

Кэрэҕин даҕаныы…

Кыһыҥҥы айылҕам.

 

Төрөөбүт дойдум

 

Толугуруур сүрэҕим

Тохтоон хаалбат таптала,

Тоһуттубат өйүм-санаам

Тордоҕурбат иэйиитэ —

Тоҥ, муус үллүктээх Сахам сирэ

Төрөөбүт дойдум барахсан.

 Лужайка в снегу

Тостор, томороон тымныылаах,

Тохтоон бүппэт чэлгиэннээх

Тоҥкуруун, тыйыс көрүҥүн

Тохтор кырыа сэбэрэҥ

Тоҥорбот ириэнэх иэйиибин,

Тохтоппот махталлаах санаабын.

 

 Томтордордоох алааһым

Томторҕолоох ньуурдарын,

Толоон сыһыы кылбайар

Толбоннурар сырдык иэнин —

Толомон сырдык кэрэтин

Туохха тэҥниир үһүбүөн.

 

 

15 февраля, 2014 Без рубрики

Добавить комментарий

*