«Ынырык хартыына»

12 октября, 2014 в 3:39
images

Мин: Тыа хаһаайыстыбатын министиринэн Александр Артемьев анаммыт. Дьэ, тыа хаһаайыстыбата хайдах буолар, өрүттэр дуу, өссө таҥнары түһэрэ дуу? Ол да буоллар үчүгэйгэ эрэнэ кэтэһиэххэ.

Аммалар бурдуктара баар да?: Сайдар ини, хотя Амма улууһа соччо сайдыбатах курдук.
Moioho: Ок, Силэпсиэп «мэҥиэстэр» уурайан кытыыСаха төһө эрэ үөрдэ! Ол эрэн туох да улахан уларыйыы тахсыа диэн эрэл суох, син биир үөһэттэн соҥнонор бэлиитикэни ыытар буолуохтаах.
КытыыСаха: Билигин тыа сиригэр баар көстүүттэн өссө дьаабы буоллуох буоллар, хайыахпытый, саха сордоох ыйааҕа оннук буоллаҕа эрэ диирбэр тиийэбин.
Сахайаана: Туох улахан уларыйыы кэлиэй. Баһылык бэлиитикэтэ миниистир уларыйдаҕын аайы тупсан кэлбэтэ чуоккай. Ити минсельхоз — чунуобуньуктар кормуускалара, аһыыр иһиттэрэ. Үп-харчы ыскайдаммытын курдук ыскайданыа, тыа дьонугар харчы тиийбэтэҕин курдук тиийиэ суоҕа.
Сарж: МСХ чиновниктар кормуускалара диир буоллахха, өйгө маннык көстөр — Еврокомплекс с безпривязным содержанием, где чиновники время от времени подходят к кормушке и наедаются в прок, но при этом молоко дают совсем мало, видать мясо-жировая порода, а некоторые даже не дают привеса, всё прямиком в навозную яму- не себе, ни людям, как говорится и делается у нас.
Капрал: Артемьев да буоллун, Слепцов да, баҕар, олох да Мухамед ади Джабов, да буоллуннар, уларыйыы тахсыбат. Барыта кинилэрэ суох үөһэттэн ыйыллан-кэрдиллэн олорор. Оччоттон баччаҕа диэри. Син үөрэхтээх биитэр политикаҕа быһаарсар бэттэх соҕус дьоннор ону өйдүүллэр. Ити мээнэ таах уулусса мээрэйдэччилэр, хаамайылар киирэн манна интрига оҥороллор.
Олус бэрт!: Александр Еремеевич кыайыаҕа. Кини үлэтин тыа хаһаайыстыбатыттан саамай алын сүһүөҕүттэн саҕалаабыта. Боростуой оробуочайыттан директорыгар тиийэ, тыа сирин кыһалҕатын этинэн-хаанынан билбит киһи. Сордоһо сатыаҕа.
Кылаабынайа, үп-харчы быһаччы бородууксуйаны оҥорооччуларга тиийэрин ситиһиэн наада. Сорох посредниктары дьаарыстыахха наада. Тыа сирэ кураанахсыйан эрэр, ыччат олохсуйбат, тоҕо диэтэр, үлэ суох. Оччоттон баччага диэри нэһилиэктэргэ сүрүн үлэ биэрээччилэринэн совхозтар, кооперативтар этилэр. Ити форма төннө илигинэ сиринэн-уотунан, быраҕыллыбыт бааһыналарынан, оһорбо сирдэринэн, эдэр специалистар олохсуйууларынан, демографияны тупсарыынан, детсадтарга, оскуолаларга оҕо ахсаанын элбэтиинэн, ол эбэтэр учууталлар, воспитателлар хамнастара үрдээһининэн, антиаутсорсинговай мероприятияларынан ким да дьарыктаныа суоҕа. Онон кытаат, эрэнэбит!
Мда: Силипсиэп таах хаhан да тыа хаhаайыстыбатыгар үлэлээбэтэх, билбэт, таах харчы эрэ ыhар солуута суох буо. Онно холоотоххо Артемьев быдан буо.
Хаххан: Төһөтүн да иһин Слепцов И.И. кыһаллан бэккэ үлэлии сатаата. Бу үлүгэр курааннар-уулар кэлэн ааспыт сылларыгар этэҥҥэ хас да дьылы туораатыбыт. Т/х миниистирин курдук элбэх, киэҥ, үөҕүллүүлээх дуоһунаска үлэлээбит киһини хаалларбаттара буолуо.
Тайгер: Саҥа министр кэлбитинэн ити соҕурууттан «үүттээх» ынахтарын атыылаһыы тохтуура дуу, суоҕа дуу? — Тайгер08.10.2014 (08:11) (37.29.88.127)
Moioho: Тохтуур чинчи суох. Кэтэхтэр туһа суох диэн сүөһүлэрин эһэллэр, аҕыйаталлар; тэриллиилээх хаһаайыстыбаларбыт өнүйбэттэр уонна со5урууттан аҕалбакка хантан сүөһүлэниэхпитий?
Сегуу: Вести саха маладьыас. Дьэ, сонуннары көрдөрдүлэр.Тойотторбут түөстэрин тоҥсуналлар, барыта кредит мөлүйүөнүнэн үлэһиттэр хамнас ылбатахтара ыраатта диэн бэркэ кэпсээтэ корреспондент кыыс куттаммакка.Мэҥэҕэ Алтай сүөһүлэрэ кэбилэнэн иккис сылларын туралларын көрдөрдүлэр. Төрүөх бөҕө өлбүт. Кыстыыр отторо да, туохтара да суох. Дьэ, ынырык хартыына. Итинник элбэх харчы бөҕөтө кутуллубут хаһаайыстыбалара туһата суох иэс-күүс бөҕөҕө киирбит Саха сиригэр буолунай диэтилэр. Дьэ, маны тыа хаһаайыстыбатынан тахсыбыт, салайбыт правительствоны дьаһайан олорон, аны президент буолан баран, тоҕо дьаһайбат? Россиялар да, маннааҕы да тойоттор Саха сирин тыатын хаһаайыстыбата бэркэ үлэлии олорор диэн наар кэпсииллэр дии. Оччоҕо тугу кэпсииллэрий? Модуттары санаан кэллим, оччотугар Австрия сүөһүлэрин
ТХМ отчуот курдук «Саха» НКИХ нөҥүө соҕурууттан аҕалтаабыт сүөһүлэрэ турар хотоннорун көрдөртүө этэ буоллаҕа. Сөмөлүөтүнэн аҕалалларын эрэ көрдөрөллөр. Салгыы үлэ-хамнас хайдах барарын, төһө үрүҥ илгэни ыан үрүлүтэллэрин, эмис эт бөҕөнү кыстаан туралларын сырдатыахтаахтар этэ да — чуумпу, кулгааҕым-хараҕым сабыллан, мин түбэһэн истибэппин-көрбөппүн дуу?
Тиит: Саҥа министр саха ынаҕар улахан болҕомто уурара буоллар!
Тускун: Аныгы тойоттор-хотуттар хамнастарын эрэ ааҕар үлэлээхтэр ини. Норуот туһугар тугу да саҥаны айан, тутан, оҥорон испэттэр. Бары үрдүк хамнас, джип, коттедж, соҕуруу турне, күүлэй тэбии, эдэр кыыс, дьахтар, санаалара ол эрэ.
Сабыйа-баатыр: «Тупой» дьон тойоттор… Көстөн турары көрбөттөр, истэ-истэ истибэтэҕэ буолаллар.Үөрэҕэ да суох киһи өйдүүр ини, тоҕус ый хааллан турар сүөһүттэн сыа-арыы аллыбатын. Айылҕа мөлүйүөнүнэн сылы супту адаптациялаабытыттан ордук ама туох кэлиэй? Сахалар Саха сиригэр, негрдэр Африкаҕа олоруохтаахтар. Бүтүн норуоту сордоон «научнай эксперимент»оҥоро турбуттара 100 сыл буолан эрэр, ону ити бэйэбит бэдиктэрбит салгыы туралларыттан олус хомойобун. Ама итиччэ үлүгэр далай акаары буолуохтара дуо, кыраны өйдөөбөт?
Саха сиригэр саха дьонун кытта саха ынаҕа эрэ «перспективнай» породалар буолалларын айыы таҥара быһаарбытын саарбахтыыр дьон сахаларбыт дииллэриттэн саатыах тустаахтар.
Валовай үүт ыыртан аккаастанан, эт оҥоһуутугар эрэ көстөххө, тыа сирин олоҕо тупсуо,оччоҕо эрэ саха ыччата төрүт культураларын сүтэрбэккэ тыаҕа олорор буолуохтара…
Туьа: Вести саха-ҕа бэркэ кэпсээтилэр. Маннык хотоннор, хаьаайыстыбалар элбэхтэр, туһата суохтар, барыта ороскуот, иэс, кредит бөҕө буолан хамнас диэни көрбөтөхтөрө ырааппыт, ньирэй бөҕө өлөр эбит. Гааз киириитигэр анаан эмиэ харчы бөҕө наада эбит, чэ, уопсайынан, туһата суох эбиттэр. Оннооҕор кыстыыр отторо суох, сенаж уотурбанан аһыахтаах сүөһүлэр. Тойотторбут түөстэрин тоҥсуналлар киһиргээн диэн бэркэ кэпсээтилэр, критикэлээтилэр. Ити барыта харчыны эргитии уо.д.а., чэ, бэйэҕит бэркэ билэҕит, тоҕо итинник туһата суох програмиалары киллэрэллэрин. Аны фед.харчы диигит ,бу биир хотонноох сүөһүлэр иэстэрэ ол төлөһүөхтээх харчыга икки итинник хотон уонна икки төгүл элбэх сүөһү ылыахха сөп үһү. Дьэ, ынырык дии, дьону көрдөрөн туран иэскэ баайыы, бу кимиэхэ наадалааҕый? Бу………. . ..наадалаах. Аны бу харчы иэһи, биллэн турар, республика төлүүр буоллаҕа, аны үлэһиттэр хамнастарын? Сүөһү аһылыга эмиэ барыта иэскэ ылыллар эбит. Ынырык хартыына.
Ити: Соҕурууттан аҕалар сүөһүлэрэ биһиги климаппытыгар сөп түбэспэтэ биллэр. Манна Африкаттан негри аҕалан кыстат ээ.
Сонор: Иэспит улааттар улаатан иһэр -16 миллиарды куоһарда, маны ханнык производствобытынан төннөрөбүт?! Харчыны барытын, иэскэ да киирэн туран, долгосрочнай проектарга уган баран, Сила-Сибири 2018 сылга доход киллэрэрэ саарбах.

http://forum.ykt.ru/viewtopic.jsp?id=3410375&f=149

12 октября, 2014 Главные новости

Добавить комментарий

*