Эн хаамаҕын эрэ, ол кэмҥэ этиҥ-сииниҥ эрчиллэрин ааһан эмтэнэр

21 апреля, 2014 в 2:55

 

Саас киһи эрэ салгыҥҥа, сырдыкка, киэҥҥэ – таһырдьа талаһар. Ким көннөрү дьаарбайан ураты дуоһуйууну ылар. Ким таарыйа этин-хаанын эрчийэн хос туһаны булар.

Хайа да күн киин куорат пааркатын диэн паалкалаах дьону көрсүөххэ сөп. Скандинавскай хаамыынан үлүһүйээччи күннэтэ үксүүр.

Биир уруккута сүүрүк кыыс үһү хоту паалка атыылаһан, олбуорун кыйа хаама сатаан баран, көлөһүн да тахсыбаккын, хата биир кэм эргийэн мэйиим эргийиэх курдук диир. Ити хаамыы уратыта диэн кырата 40 мүнүүтэ устата хаамыахтааххын. Олбуор иһигэр чахчы мэйииҥ эргийиэ, салгымтыалаах да буоллаҕа. Ол иһин айылҕаҕа биитэр улахан стадиоҥҥа дьону кытта хаамар ордук дииллэр. Соҕотоҕун да дьарыктаннахха ночоотурбаккын. Биир чаас устата өйгүн-санааҕын сааһылыыгын, күҥҥүн наллаан торумнуугун. Итинник көмүс түгэн уонна тосхойон бэрт.

40 мүнүүтэ дуу, биир чаас дуу диэн ыйытык үөскээн тахсар. Чаас аҥаарын устата этиҥ-хааныҥ уһуктан эрчимирэр эрэ, чаас иккис аҥаарыгар калорийдарыҥ умайан бараллар. Нэдиэлэҕэ үстэ 40-нуу мүнүүтэ сөп дииллэр. Сыл аҥаарынан биэс киилэни быраҕыаҥ үһү. Оччотугар биирдии чаас күн аайы хаамтахха түргэнник ырыах курдуккун.

Били олбуорун иһигэр хатайданар кыыс хайдах эрэ итэҕэйиэ суох курдукпун, сылайбаккын даҕаны диир. Чахчы, киһи аҕылаабат-мэҥилээбэт, көлөһүн аллыбат. Аан дойдуга өһүрэн барыахха диэри сүүрэн эрэйдэнэрдээҕэр бэрт курдук. Биир саастаах дьахтар чаастан ордук сүүрэрин наар көрөрүм. Кини иннигэр биэтэҥнээтэххинэ кыыһыран хаһыытыыра суох, кынчарыйара суох. Ыга кыыһыран баран, ким эрэ күһэйэрин курдук сүүрүү туохха наадалааҕый?

Чаас уһуна бэрт эбит диэтэххитинэ, өссө эбии туһаны ылыаххытын сөп. Орбит Лонг Лайф (Orbit Long Life) хампаанньа аатырдар фитнес- кроссовкатын кэтэр буоллаххына, таарыйа доруобуйаҕыт тупсуо.

Ол кроссовкалар үс суол туһаны биэрэллэр:

тилэҕин ортото холбойо сылдьар буолан, сиһиҥ тоноҕоһугар ноҕуруусканы аччатар, көннөрү хаамарга үлэлээбэт былчыҥнарыҥ уһуктаннар, ырарга сааныһыҥ үрдүүр;

кроссовка тилэҕэ буруһууна курдук буолан, артрит, артроз курдук сүһүөх ыарыыларын бохсор, быһыыҥ-таһааҥ, осанкаҥ тупсар;

-оннук кроссовканы мэлдьи кэтэр киһи осанката тупсар, былчыҥнара сөптөөх балаһыанньаны «өйдөөн» хаалаллар.

Аны стелькатыгар магниттардаах буолан, тилэҕиҥ атын уорганнары кытта ситимнээх туочукаларыгар дьайаннар, эмтэнэҕин. Ити бородууксуйаны аатырбыт хампаанньа бэрэстэбиитэллэриттэн быһа атыылаһыаххытын син (700-552).

Анал кроссовка, паалка уонна төбөҥ туохха да ыалдьыбат. Эн хаамаҕын, өйгүн сааһылыыгын, сибиэһэй салгынынан тыынан дуоһуйаҕын, ол кэмҥэ этиҥ-сииниҥ эрчиллэрин ааһан эмтэнэр.

Мария МОХНАЧЕВСКАЯ

21 апреля, 2014 Главные новости

Добавить комментарий

*