Эрчинэйгэ эдэрдэр слеттара

9 июня, 2014 в 4:07

 

Бэс ыйын 7-8 күннэригэр Сунтаар улууһун Кириэстээх нэһилиэгэр улуустааҕы ыччат салаатын, нэһилиэк ыччатын түмсүүтүн көҕүлээһининэн улуус ыччатын туризмҥа слета буолла.

Туризм – ол аата хаамыы-сиимии, бэйэни тургутан көрүү, төрөөбүт сири үөрэтии диэн өйдүөххэ сөп.

Эрчинэйгэ

Ол эрээри ити өйдөбүл өссө киэҥин бу слет көрдөрдө.

IMG-20140609-WA0009

Кириэстээхтэр эрдэттэн Эрчинэй диэни ити тэрээһиҥҥэ анаан бэлэмнээбиттэрэ.

IMG-20140609-WA0012

Бүлүү эбэ хотуну өҥөйө сытан сынньанарга, дьэ, бэрт сир.

IMG-20140609-WA0014

Араас нэһилиэктэртэн кэлбит ыччаттар Эрчинэйгэ хонуктаан сытан кэпсэттилэр-ипсэттилэр, күрэхтэргэ кытыннылар.

Аьыыллар

Хамаандалар анаан хаһыат таһаардылар. Ырыа-тойук өттүн күрэҕэ киэҥ буолла. Оҕолор варганнай, гитарнай музыкаҕа дьоҕурдарын көрдөрдүлэр, тойук туойан доллоһуттулар, оһуокай тылын этэн күрэхтэстилэр. Ол барыта киэһээҥҥи-түүҥҥү дискотеканан доҕуһуолланна.

Ессе биир курэх

Иитиллибит ийэ сиргэр, Бүлүү эбэҥ кытылыгар кутаа уотун тула олорон уу сахалыы ыллыы олороруҥ – бу дойдуга тапталыҥ иитиллэр иһирэх эйгэтэ, күөх сирэмҥэ көҥүл кыһата.

Дипломнаахтар

Иккис күнүгэр кыайыылаахтар билиннилэр, бэлэх-туһах туттулар. Барыта биэс хамаанда кыттыбытыттан күүкэйдэр бастаан, эһиилги турслет кинилэр сирдэригэр буоларын ситистилэр. Олохтоохтор, кириэстээхтэр, иккистээтилэр, Сиэйэ хамаандата үһүс миэстэни ылла.

Дипломаннар

Эрчинэй эдэрдэри эҕэрдэлээбиттии бэрт нуурал киэһэни, ылааҥы күннэри бэлэхтээтэ.

Людмила ДАНИЛОВА, Кириэстээх, Сунтаар

9 июня, 2014 Главные новости

Добавить комментарий

*