Үйэлэргэ умнуллубат улуу күн

11 мая, 2014 в 1:11

Ыам ыйын 9 күнэ – Улуу Кыайыы күнэ. Бу күнү ытыгылаан бүтүн дойду үрдүнэн үөрүүлээх тэрээһиннэр буоллулар.

Парад победы

Сунтаар улууһун Кириэстээх нэһилиэгэр Кыайыы 69 сылын хаһааҥҥытааҕар да өрө көтөҕүллэн бэлиэтээтилэр.

Кыайыы параадыгар 500-чэкэ киһи кытынна. Оскуола оҕолоро бука бары байыаннай таҥастаах хааман кыайыы өрөгөйүн үрдэттилэр.

Байыаннай оголор МаршируютБайыаннай оголорБайыаннай улахан оголорПамятник аттыгарКириэстээх олохтоохтороВетераны.Папа и мамаСоревнованияПамятник аттыгар Дипломнаахтар

Бөһүөлэк тэрилтэлэрэ – балыыһа, детсад, «Табаҕа» СХПК, РЭС, ЖКХ, метеостанция, музей, почта, баһаарынай депо үлэһиттэрэ, ИП-лар бары таҕыстылар. Ону таһынан саха алмааһа аан маҥнай көстүбүт сиригэр анаан кэлбит АЛРОСА-тан ыалдьыттар кытыннылар. Тыыл бэтэрээннэрин автопараадынан аһардылар.

Киэһэлик «Үйэлэргэ умнуллубат» диэн нэһилиэк ыччатын, эдэр специалистарын күүһүнэн улахан эҕэрдэ кэнсиэр буолла.

Бу күнү салютунан түмүктээтилэр. Уоттаах сэрииттэн эргиллибэтэхтэр, кыайыы кынаттаах дойдуларыгар кэлэн эйэлээх олоҕу тутуспут, хомойуох иһин, бүгүн биһиги кэккэбитигэр суох сэрии кыттыылаахтарын кэриэстэригэр чүмэчилэр умайдылар.

Ким да умнуллубат, туох да умнуллубат.

 

Людмила ДАНИЛОВА, Кириэстээх, Сунтаар

 

11 мая, 2014 Главные новости

Добавить комментарий

*