«Үрдүк сыана — эн бэйэҥ чулуу ситиһииҥ”

3 февраля, 2015 в 10:47

Маҕаһыыннарга ас сыаната ыараабыт даҕаны. Маны хонтуруоллууллар дуу, суох дуу? Кризис эрэ дии-дии сыананы бас баттах ыытыы буолбут. Иэдээн.

Мин — Оннук ээ. Олох дьаабы, эгэ, саҥа завоз кэллэҕинэ, уруккуну ыарата олороллор.

Евдокия Егоровна — Хата диэ! Депутаттар хата маны көрүөхтэрэ этэ. Мээнэ уулуссалары уларыта олорбокко. Норуоту ас сыаната долгутар.
Кресть рынок балык
Саха эр — Дьахталлар, аймаммакка тыаҕа, төрөөбүт төгүрүк алааскытыгар тахсыҥ. Сүрэхтээх-бэлэстээх, үчүгэй оҕонньордоох буоллаххытына, хаһаайыстыбата тутуҥ. Бириэмэҕитин куоттардаххытына, сотору куулунан харчы сүгэн тахсан, өбүгэлэргит унуоҕун тоҥсуйуоххут, ол туһата суох буолуо.
Балбаах.Хотон дьардьамата
Баалбаах — Тыа да маҕыыһынын сыаната чэпчээбэтэ ини?

Саха эр — Аскын бэйэҥ оҥорор буоллаҕыҥ: этиҥ, оҕуруот аһа, булт, балык, үүт, сүөгэй, арыы, кииһилэ, хонуу лууга. Маҕаһыыҥҥа туус, бурдук, доруоһа, чэй ылаҕын. Оһоххо киһи килиэп, алаадьы, бэрэски уо.д.а атын буһарыахха син. Маҕаһыыҥҥа төһө кыалларынан аҕыйах харчыны биэриэххэ наада. Күһүн, саас оптовойтан куулунан, дьааһыгынан ыллыҥ да бүттэҕэ дии. Үчүгэй былаан, ааҕыы наада.

Эр — Санаа наада, сүрэх наада, саха киһитэ буолуу наада. Бэрт кыра дии.

. — Сыананы ФАС быһаарар түгэнигэр, деписиит буолар, сыананы ыйытык быhаарыахтаах. 4-5 ыйынан сорох табаар деписиит буолуо, онтон 3-2 ыйынан ахтылҕаннаах карточка, талон.
магазин
Александр — Сыана аска, бензиҥҥэ, туохха барыта үрдүү турар, рядовой тыа хаhаайыстыба үлэhиттэрин хамнаhа үрдээбэт. Арай тойоттор, хотуттар хамнастара үрдүк.
Мороженая рыба
Сиэл — Депутаттар! Сыананы, кырдьык, көрүҥ эрэ. Бу олохтоох эт 500-600 солк 1кг олус буолбатах дуо? Тыа хаһаайыстыбатыгар көмө баар дуо?
Кресть рынок копченая рыба
Туйаара Алексеева — Олохтоох продукция арыый удамыр буолуохтаах, самолетунан аҕалыллар аһы кытта тэҥ сыаналаныа суохтаах буолбатах дуо. Мин сөҕөбүн, студеннар муҥнаахтары. Олохтоох депутаттарбыт маны хонтуруоллууллар дуу, суох дуу, Ханна састылар?
Разное мясо
Umcuura – Кыра хамнастаах ыал аһыыр аһа татымырда, тыаҕа да сыана биллэ эбилиннэ, местнэй эккэ, үүккэ эмиэ. Биир макароннай 53 солк буолбут, сливки 185 солк., хлеб 49 солк.
Хатта
Тыа оҕонньоро — Мин сылын аайы уонча идэһэлэнэбин, сүөһүлүүн, убаһалыын, сибиинньэлин. Онтон бурдук, мас арыыта, саахар, чэй уонна атыны оптовайтан ылынын кэбиһэбин. Урут куоракка олорор эрдэхпитинэ барыта син биир суот, расчет этэ -астыга суоҕа. Оттон тыа сиригэр бэйэҕэр эрэ үлэлигин , өссө дьахталлар сүөһү иһин сууйуохтарын сүрэҕэлдьээн, ыппытыгар сиэтэ сатыыбыт. Харчы наада буоллаҕына, улахан уолбунан тутуу тутабыт, айаҥҥа барабыт. Бэйэбит санаабытынан. Эһиги да куорат маҕаһыыннарын кэтээбэккэ, тыаҕа тахсан сүөһү, сылгы иитиҥ ээ. Саатар астаах буолуоххут. Мээнэ ытаһа олорбокко. Ол аайы урукку халява куоракка суох.
Кокуну уулуссата
Бэйэм икки тыраахтардахпын, үс кыра-улахан грузовой массыыналаахпын. Оҕолорум бары массыыналардаахтар уонна билигин биирдии га биэрдэхтэринэ, наар үчүгэй мастаах тыаттан ылыам, оҕолорбун уонна сиэннэрбин киллэрэн туран. Оччоҕо эһиэхэ мас атыылаан, үс сыл нолуокпун төлөөн баран, тыабын букатыннаахтык ылыам. Санаам кэллэҕинэ, улахан уолбунаан өссө сылгы базата оҥостуом, кыра уолум үөрэҕин бүтэрдэҕинэ. Оттон эһиги бюджет харчытын распилыгар суох буоллаххытына, улахан моһуокка тиксэргит буолуо. Хата, база тутуннахпына, миэхэ үлэлии кэлээриҥ, син айаххытын булунуоххут, сүрэҕэлдьээбэккэ үлэлиэххитин эрэ наада. Биһиги, тыа үлэһит дьоно, өссө куораттарга ас атыылаан туруохпут дии.
Тиэргэннэ комбайн Кокуну
Биһиэхэ, тыа дьонугар, эт, үүт, арыы биир да өрөбүлэ суох үлэттэн кэлэр. Ол иһин чэпчэки сыанаҕа ордукпутун биэриэхпитин кэриэтэ сүөһүнү, сылгыны айахпытыгар уонна бартерга эрэ иитиэхпит эбэтэр ыппар сиэтиэм, кэм дьиэбин-уоппун харабыллыыр.
Мясо собаки
Манна тыаҕа даҕаны сыана ыараабыта биллэр. Ол гынан баран биһиги кэм күн аайы кыра-кыралаан син хамсанар буоламмыт, уонна хотонноох буоламмыт, кэм тот сылдьыахпыт. Харчы мээнэ көстүбэт. Бюджет үлэтин уонна программалар үлэлэрин син биир муницепалитет бэйэтин дьонугар биэрэр. Оттон атыттар бэйэбит булунабыт, син онтон мантан. Холобура, кыра тутуу уонна грузоперевозка чааһынайдарга. Ол эмиэ үчүгэйдээх — үрдүбүтүгэр тойон-хотун суох. Глава кэлэн дьаһайсаары гыннаҕына, киниттэн аһаабат буоламмыт лесом ыытабыт. Мин санаабар, тыа дьоно уонна куорат дьоно биир санааҕа киирэн, тугу эрэ көмөлөөн тобуларбыт буоллар, икки өттүттэн барыыстаныа этибит, бу кризискэ син ордон хаалыахпыт.
Уьун от хотон
Эбээ — Тыа оҕонньоро түөһэйээри гыммыт. Мин да тыаҕа олоробун. Баҕа санаатын кэпсиир.

Елен — Оттон мин куттанабын, пенсиябыт туохха да тиийиэ суох диэн. Бүгүн билэр дьоммун кытта кэпсэттим. Кинилэр атыыһыттар, Новосибирскайтан продукта таһан атыылыыллар. Онно саахар биир кг 61 солк. буолбут. Шоктанан олороллор. Оччоҕо биһиэхэ тугуй, 1 киилэ саахарбыт 100 солк. буолан тахсар дии.

Далю — Урут перестройка саҕана тыа олохтоохторо аһыыр аспыт быстыбатаҕа дииллэр этэ. Куоракка, биллэн турар, олус ыарахан буолара буолуо. Пенсияҕа тахсан баран, тыаҕа тахсар барыыстаах быһыылаах, кырдьык. Саатар хортуоппуйуҥ, оҕуруот аһыҥ, тэллэй-отон булар буоллаҕыҥ дии. Уонна транспорт сыанатын көҕүрэт. Соблазн да аҕыйыыр буо. Дьиҥинэн, кэнники кэмҥэ биһиги бары да аска-таҥаска миэрэтэ суох харчыны ыскайдыыр буоллубут буолбатах дуо? Аппетиппытын кыатана туттахха, пенсиябыт син тиийэрэ буолуо дии. Биир бэйэм, санаабар, 10-15 тыһыынчаҕа подработкалыахтааҕар пенсиялаах киһи, кыах баар буоллаҕына, сиргэ үлэлиирэ быдан барыстаах курдук. Санаан да көрүҥ — проезд, 6-8 тыһ. солк. эбиэттэргэр, ону таһынан бириэмэ тиийбэт диэн полуфабрикат, бэлэм кондитерка…

Archimed — Рынок үйэтигэр сыананы хонтуруоллуур биир эрэ ньыма баар: быыбар кэмигэр мэйиини холбуу-холбуу талар баҕайыта, үрдүкү былааһы. Балык төбөтүттэн сытыйар. Маны кытта сибээһи көрбөт буоллаххына, үрдүк сыана эн бэйэҥ чулуу ситиһииҥ.
http://forum.ykt.ru/viewtopic.jsp?id=3547857&f=149

3 февраля, 2015 Главные новости

Добавить комментарий

*